Aaja Chemnitzip (IA) Folketingimi sulinini unitsittussanngorpaa, Facebookimi quppernerminni uppernarsarpaa:
- Folketingimut marsip 24-ani qinersisoqalerpat qinigassanngortinniarnanga aalajangiuppara.
- Ukiuni kingullerni qulini ilissinnut tamanut qiimmassaasimasunut, ikorfartuisimasunut tapersersuisimasunullu uummammit pisumik QUJANAQ, allappoq.
Aaja Chemnitz kalaallini kisiartaalluni 2015-imiilli Folketingimi ilaasortaavoq, tassalu qinigaaffinni pingasuni ilaasortaalluni.
Aaja Chemnitz siunissami pilersaarutini pillugit allanngilaq:
- Neriuppunga inuuninni kapitalip tullia aammattaaq malinnaavigisarumaarissi – qularinngilara nuannerlunilu pissanganarumaartoq, allappoq.
