Qulimiguullip aserfallatsaaliorneqarnerata sivisuallaarnera pissutaalluni Qeqertarsuup Tunuani angalasussat kinguaattoorfiupput.
Angalasussat ilaat februaarip 19-ianili 20-anilu utaqqisimapput, Air Greenland nittartakkamini allappoq.
Air Greenlandip qulimiguuliup timmisartuussilluni angalaqqilernissaa naatsorsuutigaa.
- Piareernissaata utaqqinerani qulimiguullit AS350-it marluk atorpavut, tamatumalu saniatigut Uummannamiit H155 qulimiguulik aamma atorlugu.
- Uummannamiittorli aatsaat pilersaarutaasumik timmisartuussissanngikkaangami Ilulissaniittarpoq, nunaqarfinnut Ilulissat eqqaanniittunut Qeqertarsuullu Tunuaniittunullu timmisartuussisarluni, Air Greenland allappoq.
Qulimiguulik aserfallatsaaliorneqartussaq H155-iuvoq, tallimanngornermilu ualikkut sumiiffimmut utissasorineqarpoq.
Pissutsit pillugit paasissutissat amerlanerusut Air Greenlandip nittartagaani atuarneqarsinnaapput.
