Amerikamiut timmisartui LC-130 Herculesit pingasut, 109th Air Lift Wingimeersut, New Yorkimi Stratton Air National Guard Basemi sakkutooqarfimminnit maaji aallartilaartoq Kangerlussuarmut tikipput.
Kangerlussuarmi tamanna upernarneranut takussutissaasarpoq. Timmisartut Herculesit, sermersuarmut missinnaaniassagamik sisoraatinik atortullit, issittumi sungiusarniarlutik Amerikamiullu ilisimatusarfiutaannut sermersuarmiittunut pilersuiniarlutik aasat tamaasa Kangerlussuarmut tikittarput.
Timmisartut saniatigut inuttat 88-it – timmisartortartut, teknikerit, ilitsersuisut kiffartuussisullu – Umimmammut inissinneqarput. Inuttat nalinginnaasumik qaammat ataaseq Kangerlussuarmeeriarlutik taarserneqartarput.
Timmisartut LC-130 Herculesit pingasut silarsuarmi timmisartuni sisoraatilinni apummi sikumilu missinnaasuni annersaapput. 109th Air Lift Wing taamaattunik katillugit qulinik timmisartoqarpoq.
Ilisimatusarnermut tapersersortaasut
109th ilaatigut National Science Foundation – Amerikamiut ilisimatusarnermut aningaasaateqarfiat – Kalaallit Nunaanni sermersuarmi, ilaatigut Camp Summitimut, sermersuup qaani 3 kilometerit missaannik portutigisumiittumut, suliniutaasa tapersersornissaannut isumaqatigiissuteqarfigaa.
Siorna aasakkut nassiussat 450.000 kilot, orsussaq 300.000 literi ilaasullu 630-t assartorlugit nalunaaquttap-akunneri 360-it sinnerlugit timmisartuussisoqarsimavoq. Assartuilluni timmisartuussinerit saniatigut sakkutuut siornatigut radareqarfiusimasumi DYE-2-mi Kangerlussuup kangiatungaani 160 kilometerinik ungasitsigisumiittumi sungiusartarfianni issittumi sungiusarnerit ingerlanneqarput.
Kalaallit Nunaanni timmisartuussisarneq aggustimi naammassippat timmisartoq inuttallu Stratton Air National Guard Basemut uteqqissapput. Oktobarimi Sikuiuitsumut kujallermut ingerlaqqissapput, tassanilu februaarip tungaanut Amerikamiut ilisimatusarfiinut pilersuillutik sulisunillu assartuillutik timmisartuussissapput.
New York Air National Guard’s 109th Airlift Wing USA-mi sakkutuut illersornissamut sakkutuuisa ilagaat, taakkulu Danmarkimi sakkutuunut naalagaaffimmik illersuisussanut assersuunneqarsinnaapput.
Sakkutuut timmisartortartut 109th Air Lift Wing 1975-imi issittumi suliaqartarlutik aallartipput, taamanikkut Amerikamiut Kangerlussuarmi sakkutooqarfiannit sermersuarmi radareqarfinnut pilersuillutik timmisartuussisarput.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
