Kalaallit Nunaanni Politiini pigaartut pisortaata angut 29-nik ukiulik qaammatini aqqaneq marlunni parnaarussassanngorlugu ingerlaannartumik eqqartuunneqartoq nalunaarutigaa. Eqqartuussineq arfininngornermi Sermersuup Eqqartuussiviani pivoq.
Angut tallimanngormat Nuup Mittarfiani nassatamini hashimik 2,8 kiilut missaanni annertutigisumik nassartoq ilanngaaserisunit unitsinneqarpoq.
Nassataqarnini ingerlaannartumik nassuerutigaa, taamaammallu eqqartuussiviup ullup tulliani eqqartuussigasuarnikkut angut pillugu suliaq aalajangiivigaa.
Eqqartuussinerup kingorna angut 29-nik ukiulik kingusinnerusukkut parnaarussaanissaa siunertaralugu iperarneqartoq, politiit ilisimatitsipput.
