Nunani tamalaani politikikkut eqqissiviilliornerit pissanganartorsiornermik kinguneqarsinnaapput.
Amerikamiut præsidentiata Donald Trumpip Nunatsinnik tiguaanissaminik kissaateqarnera innuttaasunik ataasiakkaanik nalorninartorsiortitsilersimavoq – aamma aningaaserivinnit sullinneqartut nalinginnaasut akornanni.
Aningaaseriviit oqaatigaat innuttaasut ataasiakkaat tamatumunnga tunngatillugu aningaasaatitik ileqqaakkatik isumannaatsumiinnersut apeqquteqaatigisaraat. Ilanngullugulu apeqquteqaatigineqartarluni aningaasaatitik ileqqaakkatik piffissami nalorninartumi tigusariaqarneritik angerlarsimaffimminnilu toqqorlugit.
Aningaaserivinnit sullinneqartut qanoq iliortariaqarnersut, AG-mit Grønlandsbankimut aamma Bankivimmut apeqqutigineqarpoq.
Aningaaseriviit eqqissisimaqqusisut
Aningaaserivinnit marluusunit akissut erseqqippoq: Aningaasaatit annaanissaannut ernumassutissaqanngilaq.
- Sullinneqartut aningaasaataat uatsinni isumannaatsumiipput – aamma piffissani nalorninartorsiorfiusuni, Pia Holm Jensen Bankivimmi inuinnarnut sullissanut pisortaq oqarpoq.
Aningaaseriviit eqqissisimaqqusisut
Taassuma tikkuarpaa, sullitat aningaasaataat aningaasaateqarfik Garantifonden aqqutigalugu nammineq akiliutinut qularnaveeqqutitut isumannaarneqartartut, soraarnerussutisiaqarnermullu aningaasaatit tamakkiisumik isumannaarneqartarlutik – aningaasat qanoq amerlatiginerat apeqqutaatinnagu. Aallaavittut pappiaqqanut nalilinnut aamma tamanna atuuttarpoq.
Taama naliliisoqarnera Grønlandsbankimit isumaqatigineqarpoq, tamatumani pisortaanerup Martin Kviesgaardip Nunatsinni aningaaseriviit qajannaatsuunerat erseqqissaramiuk piumasaqaatillu sukaterneqarsimasut ataaniimmata.
- Uagut Bankivillu suliffeqarfittut SIFI-mut ilaavugut, taamaattumillu aaqqissuussaanermut pingaaruteqarluta. Taamaalilluta piumasaqaatit immikkut ittut ataaniippugut, ajornartoornerit iliuuseqarfigisinnaajumallugit, oqarpoq.
Aningaasat angerlarsimaffimmiitinneqartut aarlerinarnerupput
Naak aningaasanik “eqqanaarsarnissaq” aningaasanillu tigumiaqarnissaq pineqaraluartut, aningaaseriviit aningaasarpassuarnik angerlarsimaffimmi toqqorsinissaq inassutiginngilaat.
Aningaasat piffissap ingerlanerani pisissutigineqarsinnaanerat minnerulertarami, aamma taamaaliornikkut erniat erniallu erniaat pineqarsinnaasaratik. Tamatumalu peqatigisaanik tillinneqarsinnaapput ikuallassinnaallutillu allanillu eqqugaasinnaallutik, aningaaserivinni taakkunani marlunni sulisut isumaqatigiillutik taama oqarput.
Aningaaseriviilli taakku marluk Naalakkersuisut upalungaarsimanissamut siunnersuutaat naapertorlugit, angerlarsimaffimmi aningaasanik amerlanngitsuinnarnik – 1.000 koruunit missaanniittunik, aningaasanik aggorsimasunik aningaasanillu pappiaqqanik nalitunngitsunik – kiisalu akiliutissatut kortinik aamma netbankimut MobilePaymullu isersinnaasunik piareersimatitsisoqassasoq innersuussutigaat.
- Taama iliuuseqarnikkut akiliinissamut periarfissat nalinginnaasumik atuussinnaajunnaassagaluarpata pitsaasumik piareersimasoqarsinnaassaaq, oqarput.
Ernumaneq minneruleriartortoq
Innuttaasut ernumannginnerulersimanerat, Grønlandsbankimit maluginiarneqarpoq.
- Januaarimi ajornartorsiorneq pissutigalugu inuit ilaat ernumalersimapput, tamannalu pissusissamisoorpoq. Taamaattorli ulluinnarni inuunitsinnut nalinginnaasumut uteqqilernerput erseqqilluinnarluni, Martin Kviesgaard isumaqarpoq.
Taassuma ilanngullugu erseqqissarpaa, sullitamik amerlanersaat aningaasaatiminnik toqqortaqarnerminni qulakkeerinninnissamut ilaatinneqartut.
- Sullitatta 98 procentiisa missaat toqqortaqartut tamakkiisumik isumannaarneqareerput, maannalu aatsaat taama amerlatigisunik aningaasanik toqqortaateqartoqartigilerluni.
Aningaaseriviit siunnersuutaat: Oqaloqateqaritsi
Sullinneqartutut toqqissisimanngitsutut misigisimagaanni, uiverluni iliuuseqannginnissamut taarsiullugu oqaloqatiginninnissaq aningaaseriviit siunnersuutigaat. Pia Holm Jensen aamma Martin Kviesgaard isumaqatigiillutik ilisimatitsipput, sulisutik apeqqutinut akinissamut siunnersuinissamullu piareersimajuaannartut, aningaaserivimmik atuisut ataasiakkaat taamaalillutik aningaasaqarnertik pillugu eqqissisimasinnaaniassammata.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
