Isumannaatsuunissaq, patajaatsuunissaq aammalu nunarsuarmi pissutsit immikkut ittuusut ilungersunartullu nalaanni Kalaallit Nunaata nukittunerpaanissaa Atassutip pingaartippaa. Atassutip siulittaasuata Aqqalu Clasen Jerimiassenip Inatsisartuni ataatsimiittoqalerpat partii piareersimalluinnarlunilu ataatsimoorussamik oqariartuuteqassasoq naqissuserpaa.
Atassutip aallartitai nunamit tamarmeersut Inatsisartut ataatsimiinnissaat sioqqullugu Nuummi januaarip 24-anni 25-annilu ataatsimeeqatigiissapput. Tassani pissutsit oqaluuserineqarlutillu partiilp oqariartuutaanik piareersaasoqassaaq.
- Atassumminngaanniit 100 procentimik piareersimassaagut. Atassumiit tunuliaqutaqarluta Inatsisartut ataatsimiittarfiani oqaluttarfimmut qaqinissarput eqqarsaatigalugu, siulittaasoq oqarpoq.
Namminiilivinnissaq maannakkut piviusorsiornerunngilaq
Kalaallit Nunaata maannakkut pissutsit eqqarsaatigalugit naalagaaffeqatigiinnerup attatiinnarnissaa pitsaanerpaasoq Atassutip oqallinnermi tunngavilersuutigiumaaraa, Aqqalu Clasen Jeremiassenip erseqqissarpaa. Kalaallit Nunaata avataaniit tatineqarlunilu pissutsit nalorninarfianni pitsaanerpaamik inissisimanissaanut tamanna sinaakkusiisoq taassuma nalilerpaa.
- Naalagaaffeqatigiinneq attakkallarneqartariaqarpoq, pisut qaangiuppata namminiilivinnissamut oqallinneq eqqartoqqilerumaarparput, Atassutip siulittaasua oqarpoq.
Kalaallit Nunaata sanngiinnerusumik inissisimalernissaanut piffissaanngitsoq, nunarsuarmilu pissutsit siumut oqaatigineqarsinnaannginneranni namminiilivinnissaq pillugu oqallinneq maannakkut kisimi ingerlanneqarsinnaanngitsoq naqissuserpaa.
- Trump J.D. Vancelu eqqarsaatigiinnarlugit namminiilivinnissamik oqallinneq ajoraluartumik piviusorsiunngilaq, annernaraluarpalluunniit piviusoq taanna qivialaartariaqarparput, Aqqalu Clasen Jerimiassen oqarpoq.
Partiit ataatsimoorput
Naalakkersuisut Kalaallit Nunaanni politikkikkut siuttut maannakkut pissutsit eqqarsaatigalugit ataatsimoortut januaarip qulingiluaani nalunaarutigaat. Tamatuma saniatigut Inatsisartut ataatsimiinnissaat siuartinneqassasoq kaammattuutigineqarpoq, taamaalilluni Inatsisartut piaarnerpaamik ammasumik ataatsimoortumillu Kalaallit Nunaata qanoq ingerlasariaqarnera oqallisigisinnaaniassammatikkit.
Kalaallit Nunaata nunanik iligisanik suleqatigisaanillu qanimut oqaloqateqarnerunissaa partiit tamarmik isumaqatigiissutigaat, piffissamilu immikkut ittumi ilungersunartumilu nunatsinni tamarmi innuttaasut toqqissisimanerat nukittorsarniarlugu suliniuteqartuartoqassalluni.
Inatsisartut Siulittaasoqarfiata ataatsimiinneq februaarip pingajuanni aallartittussatut pilersaarutigineqartoq siuartinneqassasoq suli nalunaarutiginngilaa.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
