Biilinik ajutoortuni aquttoq ujaarineqartoq Kalaallit Nunaanni politiit pigaartuisa pisortaata Jørgen Madsenip marlunngornermi ullaakkut paasissutissiissutigaa.
Politiit Nuup illoqarfiata ilaani Nuussuarmi aqqusinermi ajutoortoqarneranik unnuaq nalunaaqutaq 01.07 nalunaarfigineqartut, taanna oqarpoq.
Politiit ajutoorfimmut apuukkamik biilit inuttaqanngitsut paasivaat.
- Biilinuk aquttoq attaveqarfigerusukkatsigu ajutoornermik takunnissimasumik qimaasumilluunniit takunnittoqarsimappat tusarfigerusuppagut, Jørgen Madsen oqarpoq.
Biilit kabelersuit imusarfiannut aporsimapput, paasisallu kingulliit naapertorlugit biilit suli tassaniillutik.
Politiit oqarasuaammut 70 14 48-mut attavigineqarsinnaapput.
