Taamaattumik Inatsisartut immikkut ittumik ataatsimiinnissaannut 2026-mi februaarip aappaanni ataatsimiigiaqqusipput, tamatumani oqaluuserisassaq ataasiinnaq, tassa “Nunatta inissisimanera” oqaluuserineqassaaq, Inatsisartut siulittaasuat Kim Kielsen tusagassiuutinut nalunaarummini allappoq.
Ataatsimiinneq nalunaaqutaq 11.00 aallartissaaq, Naalakkersuisut siulittaasuata Nunatta inissisimanera pillugu paasissutissiinerminik saqqummiussineranik aallarnerneqassalluni.
Tamanna pereerpat partiit oqaaseqartartui tamarmik immikkut minutsini qulini oqaaseqarsinnaassapput. Oqaaseqartartut oqaaseqareerpata ilaasortat apeqquteqarsinnaassapput — partiimut ataatsimut oqaaseqartartunut apeqqutit amerlanerpaamik pingasuusinnaassallutik.
Oqaluuserisassanut allannguutit Inatsisartut nittartagaanni saqqummiunneqassapput.
