Nunarsuatsinni sillimaniarnikkut pissutsit USA-llu nunatsinnik nakkussinerujussuata isumaalutsitsinerata saniatigut sooq punneq poortaq ataaseq uffa danskit pisiniarfiini 12 kr.-iinnaqartoq 60 kr.-eqarmat nunatsinni taama akisutigissanersoq tupigusuutigisarpara.
Assartuussinermut aningaasartuutit orsussallu akiisa qaffakkaluttuinnarneri akitsorsaatit ilagigaat nalunngilara, taamaakkaluartorli tamakkua tallimariaammik akisunerulersitsisariaqavissappata tupinnaqaaq? Aamma nalitsinniuna atuisartunut atugassarititaasut kia aallukkai?
Aammami ulluinnarni pinngitsoorsinnaajunnaarsimasatsinnik eqqussuingaaratta nioqqutissat akisunerniit akisunerit piupput. Aamma Nuummi eqqaanilu nioqqutissat akitsorsimappata, taava Nuup avataani pingaartumillu avinngarusimasuni pisiassat orsussallu akisoorujussuujuaannarnikuummata nalunngittariaqarpat.
Kingunipilui
Akit ukiuni makkunani qaffakkiartuinnarneri assersuutigalugit Pilersuisoq A/S-imut aammami inoqutigiippassuarnut suliffeqarfinnullu unammillernartuupput. Nalitsinni toqqissiviilliornerit, silaannaap allanngoriartupiloornera, coronap atuussimanera sorsuuttullu assorsuaq atugarliortitsipput.
Taakkuli Pisiffik A/S aamma Kalaallit Nunaanni Brugseni pisisartutik ilungersuaruttortut iluarusupput. Imaluunniit? Aap, aningaasat naleerukkiartormata inuiaqatigiit immaqa ilimagisamit sakkortunerujussuarmik sunnerneqarput. Soorluttaarlu Ruslandip Ukraine ukiut sisamat matuma siorna saassummagu aamma taamatut pisoqartoq USA-p Israelillu Iran Libanonilu uuliap akiata aatsaat taama qaffapiloortigineranik kinguneqartumik sorsuffigilermatigit pissutsit ajornerulersussaapput. Taava kikkut eqqorneqarpat? Inoqutigiit, pingaartumik ilaqutariit meerartallit, siusinaartumik soraarnerussutisiallit soraarnerussutisiallillu. Innaallagissap erngullu akii, taamatullu sanaartornermi atortussat assigisaasalu akii, qaffakkiartuinnalernikuummata inuussutissarsiortut aamma eqqugaapput.
Kinaassuseqarneq
Assigiinngisitsineq inuuniarnermi atugassarititaasunut – taamaalillutillu peroriartornermi peqqissutsikkullu atugassarititaasunut amigaataasunulluunniit - assigiinngisitsilersartoq nalunngilarput. Tamakku meeqqanik inuusuttunillu ilaqutariinni eqqorneqarnerpaaneersuniittunik akornusiisaannarput. Pissutsit taamaattut peqqarniisernerunermik, pakatsisimaarnermik politikkikkullu avissaartuukkaluttuinnarnermik atuutereerlutik pilersitseqqittussaassapput.
Inuttut ataqqinassuseqarneq kinaassutsimut aqqutissiuunneqarnermullu pingaartuuvoq. Taamaammat kulturitsigut kinaassutsitta samminissaa nukittorsartuarnissaalu aammalu inooqatigiinnitsinni pitsaasumik naapeqatigiiffiusarnissaa pingaartupilussuupput. Qaqugu naalagaaffinngornissatsinnik oqallinneq piviusorsiornerunani taamaammallu peqqinnarnerusumik oqallinnissamut akornutaalluni misigissusersorneruallaartoq isumaqarpunga. Soorunami inissaqartariaqarpoq, sinnattuanerunngitsumik piviusorsioruni.
Aaqqissuussaanitsinni ilinniagaqarnissap peqqinnissaqarfimmiillu kiffartuunneqartarnerup akeqannginneri pingaarluinnarput, peqqinnerusumillu inooriaaseqarnissaq aqqutissatut toqqarneqarnerusartuuppat suli pitsaaneroqqajaqaaq.
Inuit-uku imminnut ataqqineruleraangamik pitsaasumillu toqqavissiornissamik pingaartitsineruleraangamik meeqqat inuusuttullu inuiaqatigiinnut iluaqutissanngorlugit isumassornerulertarlugillu toqqammavigissaarnerulersittaraat.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
