Kangerlussuup Kalaallit Nunaanni silaannakkut angallannermi qitiusutut inissisimanera Nuummi mittarfik nutaaq 2024-mi ammarneqarmat atorunnaarpoq. ”Kangerlussuaq suli pingaaruteqartoq” ilaasut 2025-mili amerlassusaasa Naatsorsueqqissaartarfiup nittartagaani tamanut saqqummiunneqaqqammersut takutippaat, Qeqqata Kommuniani borgmesteri Malik Berthelsen tusagassiutitigut nalunaarut naapertorlugu taama isumaqarpoq.
Nunaqarfimmi timmisartumik 2025-mi angalasut "ilimagisamit amerlanerusut“ taassuma oqaatigaa.
- Taakku (timmisartunut ilaasut amerlassusaat, aaqq.) Kangerlussuup suli pisariaqartinneqarneranut mittarfiullu nunap attaveqaqatigiinnerannut suli sunniuteqartariaqarneranut uppernarsaataapput, Malik Berthelsen oqarpoq nangillunilu:
Immikkut tikiffissaassasoq
- Taamaammat Kangerlussuup siornatigut angallaffiusutut isigiinnarneqannginnissaa pingaaruteqarpoq, namminerli takornariarfissatut ilisimatusarfitullu ineriartornissamut periarfissaqarluartutut isigineqartariaqaraluarpoq.
Nuna tamakkerlugu politikkerit nunaqarfiup ineriartortinnissaannut, aningaasaliiffiginissaannut siunissamullu ungasissumut pilersaarusiornissamut piareersimanissaat Malik Berthelsenip neriuutigaa.
- Taama pingaarnersiuisoqanngippat nunap immikkoortuani ineriartornermut inuiaqatigiillu soqutigisaannut pingaaruteqarluinnartumik suliniuteqartoqarsinnaasoq puigorneqariaannaavoq, borgmesteri oqarpoq.
Borgmesterip tunngavilersuutini tunngavilersorniarlugu kisitsisit uku Naatsorsueqqissaartarfimmeersut issuarpai, isumaqarami taakku aalajangiinermi tunngaviusariaqartut:
- Taamatut pingaarnersiuineq atorlugu suliassaqarfik nunap immikkoortuani ineriartornermut inuiaqatigiillu soqutigisaannut pingaaruteqarluinnartumik suli sunniuteqarsinnaasoq puigorneqariaannaavoq, Malik Berthelsen erseqqissaavoq.
