Aksel Nuummi angerlarsimaffeqanngitsuuvoq. Danskit kattuffiat naalagaaffimmut attuumassuteqanngitsoq Hjælp din næste, angerlarsimaffeqanngitsunut ikiuuttartoq, Facebookimi ikkussaqarsimasoq takuaa.
Piffissami kingullermi Kalaallit Nunaanni angerlarsimaffeqanngitsunut katersuiniarsimapput, sapaatillu-akunnerani matumani siusinnerusukkut sinngup puuinik 40 kiilunik, alersersuarnik, qungasequtinik natsanillu nassarlutik tikipput.
.
Aammattaaq kamippaat, sinngup puui, allequttat, natsat, alersersuit siniffissallu kialaartitsisinnaasut 100 kiilut Blue Water Shipping aqqutigalugu nassiunneqarput.
Akselip Hjælp din næste (Tullit ikioruk) ikioqqulluni saaffigai. Ikiorneqarporlu. Kattuffimmeersut kavaajarsillugulu, kamippassillugulu alersersuarnik nuersagassiamik merinomik sanaanik pitsippaat.
- Qanoq oqassallunga naluara, qiasunnguvunga, oqarpoq uummatimilu nalaa assamminik attorpaa, Hjælp din næste Facebookimi ikkussamini allappoq.
