Maanna innuttaasut siulliit ‘Nuup Saavanit’ takorluukkamik saqqummiussineranniit ukiut pingasungajaat qaangiussimalerput. Kommunalbestyrelsip maanna sumiiffiup, inuppassuarnit Kolonihavnitut Nuutoqatullu ilisimaneqartup ineriartortinneqarnissaanut pilersaarusiaq ataatsimut isigalugu akueraa.
Borgmesterip Avaaraq Olsenip (IA) kommunalbestyrelsillu Holmip Illuaniit Orsiiviup Nuunnguata tungaanut aqquserngup ineriartortinnissaa sulissutigissavaat. Ukioq kaajallallugu illoqarfiup inuummarissinartumik toqqissisimanartumillu inissisimalernissaa anguniarneqarpoq – tamanna innuttaasunit 2023-mi peqataatitsinerni kingullermilu Nuuk 2035 pillugu oqallinnermi ujartorneqareerpoq.
Innuttaasunit ataatsimiisitsinermiit piviusunngortitsinermut
2023-mi isumassarsianik unammisitsinerup nalaani innuttaasut illoqarfiup immikkoortuata anersaava illersorneqarluarnerunissaa kissaatigisimavaat, maannalu Holmip Illuata eqqaani ilisarnaat issittumi naatsiivik pilerseqqinniarnissaanik kommunimit timitalernianeqalerpoq.
Pilersaarut pingasunik malugineqarsinnaasunik imaqarpoq:
Alloriarnerup tullia: Aningaasat nassaarineqassapput
Allaffissornikkut aaqqissuussineq maanna inissippoq, suliassarli pingaarutilik kingulleq suli naammassineqanngilaq: Aningaasaliineq. Ineriartorfiup ataatsimut isigalugu, tuniniaaveeqqanik aamma pilik, kommunip ukiuni tulliuttuni missingersuutaani isumaqatigiinninniutaasussanngorpoq.
Taamaalilluni Nuup Saava kulturikkut qitiusutut, ukiut pingasut matuma siorna innuttaasunit isumassarsiorfigineqartumik, ineriartortinnissaanut aallarniutaavoq.
