Nukappiaraq inunnit arlalinnit saassunneqarluni pigisaanik tilliffigineqarpoq. Politiit pisoq ujajaaneqartutut misissuiffigaat takunnissimasunillu ujartuillutik, pigaartut pisortaat Malik Olesen oqarpoq.
Politiit ataasinngornerup unnuaani nalunaaqutaq 04.35 nalunaarfigineqarput.
Nuup ilaani Nuussuarmi atuarfiup eqqaani taama pisoqarsimavoq.
- Inuit pingasut pasineqarput, sulili kinaassusersineqaratik, Malik Olesen oqarpoq.
Politiit niviarsiaqqat pingasut 15-it missaannik ukiullit ujaarigaat, pigaartut pisortaat nassuiaavoq. Takunnissimasinnaasullu politiinut oqarasuaammut 70 14 48-mut attaveqaqqullugit kajumissaarneqarput.
