Nuummi illorsuarmi timersortarfiup aqqutaani politikerit arlallit marlunngornermi ullaap tungaani qinersisartunik naggammik oqaloqateqaqattaarput.
Taakkua ilagaat Ellen Schärfe, ukiut 18-it politikkimik suliaqanngereerluni Atassut tunuliaqutaralugu folketingimut qinigassanngortittoq.
Qineqqusaarsimanerit kingumut qiviassagukku qanoq oqaasertalersinnaaviuk?
- Nuanneq pikkunaq, ilaatigut aamma tupinnaannartumik nukissamik tunitinnaq. Inuit qanimut naapeqqillugit taamatut politikkimi sassaqqilluni.
Ulloq qanoq atussamaarpiuk?
Maani timersortarfiup eqqaaneerujuussaagut (Nuummi illorsuaq timersortarfik, aaqq.) , ulloq una Atassumminngaanniit nalliuttorsiorfittut atortaratsigut, tamat oqartussaaqataanerata ullua. Taamaattumik inuit naapillattaarlugit oqaloqatigillattaarlugit pissaagut, ilaatigut immaqa kissasseriartulaartarlutalu issittukasiugami maannakkut, kisianni seqinnarippoq, inuillu nuannaarlutit. Assut taanna nuannequtigiinnarpaa, Ellen Schärfe oqarpoq.
Politikeri alla Inuit Ataqatigiit sinnerlugit qineqqusaartoq tassaaviq Kalistat Lynge:
- Qineqqusaarneq nuannersimavoq, soorunami piffissaq taanna sivikippoq. Kisianni atorniapallassimavara. Qinersinissaq suaarutigineqarmat Kuummiuniippunga, taava Kulusuk aqqusaarlugu kimmukapallassimavunga, taava maaniillatsiariarlunga kujataaniissimavunga, kujataani taqqavani qineqqusaalaarlungalu periarlunga, maanga Nuummi qineqqusaarnera nangissimavara. Ajunngitsorujussuuvoq nuanneqaaq.
Ulloq qanoq atussamaarpiuk?
- Ippassaq unnukkulli piareersarluta aallartippugut taava ullaaq itiaarluta aamma piareersarneq nangipparput. Maani maannakkut qinersereersimavunga, qinersereerpunga, taavalu qinersiviup silataani maannakkut maani atorusaassavarput, qinersiartortut ilassiorlugillu kaffillerfigalugillu allanillu sassaallerfigilaarlugit.
Sila issittukasiuvoq, qanoq ippa?
- Aappi, tassa taamaakkami, tassa ulluni makkunani taanna naammagalugu atorparput, kisianni oqorsarluarnikuugatta ajunngitsorujussuuvoq. Aamma sungiusimagatsigu issittumi aneerneq, Kalistat Lund oqarpoq.
Naleraq sinnerlugu qineqqusaartup Oliver Bech qineqqusaarnermini nuannisarsimavoq.
- Tassa nuan, una qineqqusaarnerit nuannersuaarpoq, aamma ataatsimoorpugut nuannisarpugut, kisianni aamma qineqqusaarpugut.
Ulloq qanoq atussamaarpiuk?
- Social media (Inuit nittarttakkakkut naapeqatigiittarfiat, aaqq.) atorluassavara, taavalu inuit oqaloqatigalugit, taavalu ataatsimuussaagut ullumikkut qineqqusaartut.
