Illersornissaqarfik nunaminertamik atortuutiminik inissiivissamik pisariaqartitsivoq, taamaammallu Kalaallit Nunaanni Politiit Qinngutta killingani nunaminertamik sakkutuunik atorneqarallartussamik pilersitsipput.
Taama Kalaallit Nunaanni Politiit tusagassiuutinut nalunaarummi allapput.
Piffimmi ’Nunarsuup isua’-tut ilisimaneqartumiissaaq. Siusinnerusukkut ilaatigut piffimmi containerinik inissiisoqareerpoq.
Piffik ingerlaavartumik nakkutigalugu paarsisoqartinneqassaaq, susassaqanngitsullu piffimmut assikkamut iseqqusaanngillat. Isumannaallisaaneq piffillu eqqumaffigineqarput, allagartaliussallu ungalullu angallattut pisuinnaallu ilitsersorniarlugit ivertissuunneqarput.
