Naalakkersuisut siulittaasuata Jens-Frederik Nielsenip naalakkersuisoqataasalu Nuup aqquserngini sakkutuutut atisallit amerlanerulernerannik nuannaarutiginninnermik oqariartuuteqarnerat malussarilluinnartumik oqimaaqatigiissitsiniarneruvoq.
Kalaallit Nunaammi - Sorsunnersuup Aappaani Tunumi akersuunnerit amerlanngitsut eqqaassanngikkaanni - sorsunnikuunngisaannarpoq. Innuttaasut sorsunnermut tapersersuinngillat. Nunarput eqqissinermik pingaartitsivoq. Sorsunnermut akerliuvugut!
Uranimut akerliulluinnarnitsinnut pissutissaqarpoq. Piiarneqarnerani mingutsitsinikkaanerata saniatigut ilaatigut atomimik qaartartuliornermut atorneqartarpoq. Sakkussaq Sorsunnersuup Aappaanik qaarujussuarnerit marluk atorlugit unitsitsisimasoq. Sakkussaq sorsunnerup nillertup nalaani nunanit pissaanilissuarnit qunusaarutitut atorneqartoq. Taamani USA nunani killerni sapiitsuliortutut isigineqarpoq Ruslandimiut ajorluinnartutut isigineqarlutik.
Nunarsuup aaqqissugaanera maanna allanngorluinnarsimavoq. Amerikamiut præsidentiata ullumi, aqagu, sapaatip akunnerata tulliani qanoq oqarnissaa annilaangagaarput. Suut tamarmik nalorninarpasipput amerlasuullu siunissap qanoq atugassaqartitsiumaarnera annilaangagalugu inuupput.
Nunarsuatsinni nunat killerniittut tapersersuinerminnik takutitsinerat taamaammat tusarlugu takullugulu oqiliallannarsimaqaaq. Canada, Nunat Avannarliit, EU NATO-milu nunat, minnerunngitsumillu Danmark Naalagaaffeqatigiillu sinnera. Issittumi sakkutuut tuaviortumik sungiusartinneqarnerat pissutigalugu nunanit assigiinngitsunit sakkutuut amerlanerusut nunatsinniilerput. Tamatuma qaavatigut Danmarkimi naalakkersuisut - Naalakkersuisut suleqatigalugit - Illersornissaqarfiup Kalaallit Nunaanniititsinera annertunerulersippaat. Sakkutuut uatsinnut ikinngutinnersut takullugit innuttaasunit amerlasuunit nuannaarutigineqaraluartut tamanna taakkununnga aamma aarlerititsivoq innuttaasullu ilaannit toqqaannartumik isorineqarlutik. »Kalaallit Nunaat sorsuffiunngilaq«, taama isorinninnerpaat inuit attaveqaqatigiittarfiini orulupput. Qinikkat inuillu ataasiakkaat allaat oqariartuuteqarput Nuummi sakkutooqarnerulerneratigut illoqarfiup pingaarnersaata sakkutooqarnikkut annertunerusumik eqqugassanngortikkaa.
Naalakkersuisut Danmarkimilu naalakkersuisut innuttaasunik ataatsimiititsinissamik aaqqissuinerat taamaammat pitsaasuuvoq, tassani nunanut allanut naalakkersuisoq Vivian Motzfeldt illersornissamullu ministeri Troels Lund Poulsen isorinninnermik aarlerinermillu toqqaannartumik naapitsisinnaallutik. Innuttaasummi apeqqutigisinnaasaannut akissuteqarlutillu nassuiaateqartariaqarput.
Isumaga malillugu ajornartorsiutit ilagaat innuttaasut ilaqarmata ilimagisatik, taamaassorinninnertik namminnerlu isumaliutigisimasatik tunngavigalugit nipangersimaannarutta, Trumpimit takutinnaveersaarutta piffissarlu ingerlaterusaarutsigu ajornavianngitsoq.
Nunarsuarmili qeqertat annersaannut - uatsinnut, isit tamarmik maanna malinnaapput. Taamaammat sakkulersornernut inuiattut akerliugaluarluta pissutsit piviusut isummerfigisariaqarpavut. Qallunaat oqartarnerattut qajuusanik oqummiaqaatigaluta supoorsinnaanngilagut. Kalaallit Nunaat sakkutooqanngivissortunngortikkutsigu nunarput pingaaruteqannginnerulernissaa naatsorsuutigisinnaanngilarput.
Kalaallit Nunaat nunavissuup Amerikap Ruslandillu akornanni inissisimalluaqaaq taamaammallu USA-p NATO-milu nunat illersorneqarnissaannut atatillugu qitiulluni. Nunat arlallit sakkutuunik nunatsinnukartitsilermata - naak immaqa illersornissaq pivallaanngikkaluarlugu tapersersuinermik takussutissiinerinnaagaluartoq, tamanna Trumpip Kalaallit Nunaannik pinngitsaaliilluni tiguaanissamik oqalukkunnaartitsinera aamma avaqqunneqarsinnaanngilaq.
Aaqqiagiinnginnermut tamatumunnga namminiilivinnissaq akissutissaasorinngilara. Kalaallit Nunaammi namminersulivippat ajornartorsiutit tammarnavianngillat. Akerlianilli pisoqassaaq. Soorlu allattunga nunarsuup aaqqissuussaanera allanngorluinnarsimavoq.
Utaqqiisaasumik allanngortoqarnera neriuutigisinnaavarput, massakkulli nunatta kusanarluinnartup sorsunnermut akerliusup annaannginnissaa pillugu sakkutooqarnerulernissaa inooqataaffigisariaqarparput.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
