Tasiilami arsaattarfiup eqqaa qiviaraanni containerit arfineq-pingasut takunngitsuugassaanngillat.
Taakkua decembarimi naafferartumik atorneqalerput. Kommunalbestyrelse containerit najugaqalernissamut sungiusarfissatut atorneqarnissaanut suli akuersissuteqanngikkaluartoq piaartumik atulersinneqarnissaanut allaffissornikkut aalajangertoqarsimasoq Kommuneqarfik Sermersuumit Sermitsiamut nassuiaatigaat.
- Ukiaq manna issilernerani Tasiilami unammillernartoqarami inunnik arlalinnik angerlarsimaffeqanngitsoqarluni sumiiffeqanngivissortunik, taamaalilluta aamma tatineqarluta utaqqiisaasumik iliuuseqapallattariaqarnikuuvugut, Kommuneqarfik Sermersuumi suliffeqarnermut inunnillu sullissinermut pisortaq Bea Mølgaard Lennert oqarpoq.
Kommunimi Aningaasaqarnermut Inuussutissarsiornermullu Ataatsimiititaq marlunngornermi februaarip qulingani ataatsimiippoq, containerillu aalaakkaasumik najugaqalernissamut pisariaqartitsisunut neqeroorutigineqartalernissaat oqaluuserisassaannut ilaasoq ippassaq allaaseraarput. Ataatsimiititap containerit angerlarsimaffeqalernissamut sungiusarfissatut atulernissai akuersissutigaa, suliarlu maanna kommunalbestyrelsemut ingerlateqqinneqarpoq.
Containerit ikippallaalereersut
Containerillu pisariaqartinneqaqaat. Kisitsisit kingulliit 2025-meersut qiviaraanni Tasiilami innuttaasut 56-it aalajangersimasumik adresseqanngillat, ima paasillugu angerlarsimaffeqanngillat.
Angerlarsimaffeqanngitsullu takussaanerat ukiaq manna ersarinnerusoq kommunimiit maluginiaramikku piaartumik iliuuseqartariaqarsimapput.
- Piviusumik iserfissaqanngivissortoqarami ukiaq manna. Massakkullu taakkua angerlarsimaffeqanngivissortut najugaqarput, Bea Mølgaard Lennert oqarpoq.
Containerit atulernerisa kingorna soqutiginnillutik kommunimut saaffiginnittut arlalissuupput. Taakkulu saaffiginnittut pingaarnersiorlugit nalilersorneqareermata pisariaqartitsivissortut 30-t missaaniittut utaqqisuutigineqalerput.
- Containerit taakkua takkummata inuit tamarmik maluginiarsimagaat malunnarpoq, Bea Mølgaard Lennert oqarpoq nangillunilu:
- Neriukkaluarpugut amerlineqassasut.
Angerlarsimaffeqanngitsulli tamarmik najugaqalernissamut sungiusarlutik containerini najugaqarsinnaanngillat.
- Ilaqarput angerlarsimaffeqanngitsut unnuisarfianniinnissamut tulluunnerusunik, kisianni Tasiilaq aamma angerlarsimaffeqanngitsunut unnuisarfeqanngilaq, Bea Mølgaard Lennert oqarpoq.
Angerlarsimaffeqanngitsunut unnuisarfeqannginnera peqqutigalugu pisariaqartitsisoqarneralu naatsorsoreerlugu inuit pingasut inissikkallarfissaannik illumik attartortariaqarsimallutik Bea Mølgaard Lennertip ilanngullugu oqaatigaa.
Piumasaqaatit sukannersut
Containeriniinniaranni piumasaqaatit arlalissuunerat peqqutigalugu ilaat taakkununnga inississinnaanngillat.
Piumasaqaatinut ilaavoq aalajangersimasumik adresseqanngitsuunissaq, inissarsiorluni utaqqisunut allattorsimaffinniinnissaq, inissiaatileqatigiiffinnut akiitsoqaraanni taarsersuinissamik isumaqatigiissuteqarnissaq piumasaqaatillu allat.
- Una sungiusarfiuvoq siunissaannut alloriarfissatut, aalajangersimasumik angerlarsimaffeqalernissaanut, Bea Mølgaard Lennert oqarpoq.
Containerinut nuuttut sivisunerpaamik ukiuni marlunni najugaqarsinnaapput, inuilli ataasiakkaat aallaavigalugit sivitsuisoqarsinnaalluni. Kommunip inissiaatileqatigiiffiata Iserit A/S-ip Tasiilami inissiat aqutai 410-upput, initaarnissamullu utaqqisutut allatsissimasut 200-mmata piffissap sivikitsup iluani initaarsinnaaneq qularnarpoq.
Tasiilami ukiuni arlalinni inissialiortoqarsimanani inissiat 14-it maanna sanaartorneqarput. Inuusuttunullu inissiat katillugit arfineq-pingasut siorna atulerneqarmata inissarsiorlutik utaqqisut ikilinissaannut kommunimit neriuutigineqarpoq.
- Inissiat takkukkiartuaarput ukiuni kingullerni sanaartortoqarpiarsimanani, Bea Mølgaard Lennert oqarpoq.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
