Tasiilamiit qulimiguulimmik timmisartuussinissaq teknikkikkut ajornartorsiuteqarnera pissutigalugu taamaatiinnarneqartoq, Air Greenland nalunaarpoq.
Qulimiguulik annaassiniarnermi atorneqartartoq atorlugu taartissanik sumiiffimmikaassisoqaraluartoq ajoqutaasoq aaqqinneqanngilaq:
- Ajuusaaqaluta nalunaarutigissavarput Tasiilami qulimiguulik suli teknikkikkut ajornartorsiuteqarmat. Taartissaq ualeq manna ujaasisartut annaassiniartartullu qulimiguuliutaata aggiussaa ajornartorsiummut aaqqiissutaanngilaq, teknikerivullu kukkuneq paasiniarlugu suli ilungersorput, Air Greenland nittartakkamini allappoq.
Timmisartuussinissamut silarluppallaartoq
Taamaattumik qulimiguuliup ullumi tallimanngornermi aallarnissaa ilimanannngilaq.
Air Greenland sapaatip-akunnerata naanerani silarlussasoq aamma ilisimatitsivoq, taamaattumillu Nuummiit Kulusummut timmisartuussinissaq marlunngorpat januaarip 20-anut kinguartinneqartariaqarluni.
- Angalasussanut pilersaarutaanut kipiluttunarlunilu akornusiinera paasisinnaavarput, sapinngisamillu kukkunerup sukkanerpaamik aaqqinnissaa sulissutigalugu. Ilisimasaqalerutta paasissutissumaarpugut, nalunaaruteqarput.
