Kaare Bak, Issittumi Sakkutooqarfimmi 1. Eskadreusoq, umiarsuup alapernaarsuutip Thetisip Nukissiorfinnut ikiuuteqqullugu suliakkerneqarmat ilaavoq. Oqaatsuni uulia nungulermat pilersuinerup pingaaruteqarluinnartup iliuuseqarfiginerani ilaalluni assilisaarivoq.
- Issittumi Sakkutooqarfimmut qujanarujussuaq, Oqaatsunut ikummatissamik pajunniartilluta unamminartorsiornitsinni saaffigalugit ikiormatigut. Taakkua ikiortigalugit uulia Oqaatsunut apuupparput nunaqarfimmullu innaallagissamik pilersuineq qulakkeerlugu, Nukissiorfiit Facebookimi quppernerminni allapput.
