Danmarki Amerikamiut Kalaallit Nunaannut saassussinissaannik januaarimi piareersarpoq.
Qallunaat sakkutuui Kalaallit Nunaannut timmisartumik tikiunneqaramik Nuummi Kangerlussuarmilu mittarfinnik aserorterinissamut qaartartunik nassataqarput.
Danskit naalakkersuisuini, sakkutuunit qaffasissunit, aamma atorfilittanit, Danmarkimi, Frankrigimi Tysklandimilu paasissutissiisunik tunngaveqarluni, DR taama allappoq.
USA-p præsidentia Donald Trump saassussinissaminik aalajangissagaluarpat qaartartut USA-mit sakkutuut timmisartui nunamut missinnaajunnaarsinnissai eqqarsaatigalugit mittarfimmik qaartitsinissamut atorneqarnissaanut siunertarineqarpoq.
Sakkutuut aamma aammik nassataqarput, akiuunnermi ikilerneqarsimasut katsorsarneqarsinnaanissaat atugassanik.
Pissanganartoqartuarsinnarpoq
DR naapertorlugu tusarfiit aqqaneq-marluk kinaassutsiminnik isertuussisut tunngavigalugit oqaluttuarineqarpoq. Taakku arlaannaataluunniit saassussinissamik pilersaarutit pillugit paasissutissanik tigussaasunik pigisaqanngillat, januaarimili arlaqartut ernummatigaat USA qaqugukkulluunniit saassussisinnaasoq.
Paasissutissanik avitseqatiginnittut nalilerpaat Kalaallit Nunaat pillugu pissutsit suli ima pissanganartigisut mianernartigisullu kinaassutsiminnik isertuussillutik taamaallaat oqaaseqarsinnaallutik, DR allappoq.
Aamma allassimavoq Danmarkip ajornartorsiorneq pissutigalugu Europami iligisani qaninnerulerai.
Donald Trumpip præsidentitut qinigaaqqammernerani Danmarkip Frankrig, Tyskland nunallu avannarliit politikkikkut tapersiipput, naalagaaffeqatigiinnerup illersornissaanut Europami suleqatigiilernissaq anguniarlugu.
Naalasseriinngillat
Tusarfiit arlallit naapertorlugit Danmarkip USA-p sakkortusiartornera pinaveersaartinniarpaa, Amerikamiulli saassussinissaat eqqarsaatigalugu nakkaannarusunngilaq.
- Danmarkimi politikkikkut siuttut, illersornissaqarfik isumannaallisaasoqarfillu aalajangerput "pinnguartoq pinnguaqatigissallugu" franskeq atorfilik oqarpoq.
Frankrigi Natomilu Europami suleqataasut arlallit januaarimi sakkutuunik Kalaallit Nunaannut aallartitsipput.
Sverige, Norge, Tyskland, Tuluit Nunaat, Hollandi, Finland, Belgia Frankrigilu sakkutuunik ataatsimik amerlanerusunillu aallartitsipput.
- Danmarkip piumasaat tamangajaasa iliuuseriumavagut, franskeq atorfilik DR-imut oqarpoq.
/ritzau/
