Unnuaq kalaallit Nunaanni politiinut ulapaarfiusimaqisoq, pigaartut pisortaat Aqqalu Petersen Sermitsiamut oqarpoq.
- Angerlarsimaffinni eqqissiviilliornerit, aqqusinerni eqqissiviilliortitsinerit imminullu toqunnissamik siorasaarinerit arlallit nalunaarutigineqartut, pigaartut pisortaa oqaluttuarpoq.
Politiit persuttaanernik suliassanik marlunnik, qunusaarinernik suliassanik marlunnik aserorterinermillu suliassamik ataatsimik aallartitsipput.
Taamattaaq Nuumi politiit arfininngornermi ullaaralaakkut imigassartorsimalluni biilertumik tigusarinnipput.
Pigaartut pisortaat malillugu inuk ataaseq arfinngornermi ullaap tungaani qunusaarisimaneq aalakoorsimanerlu pillugit suli tigusaaqqavoq. Unnuap ingerlanerani arlallit tigusarineqarlutik politiit isertitsiviannut inissinneqartut, pigaartut pisortaat oqaluttuarpoq.
