Kangerlussuaq Københavnimit toqqaannartumik timmisartuussisoqarnissaanik sivisuumik utaqqisariaqarpoq. Aasaanerani timmisartuussisarnerit sapaatip-akunnerani tulliuttumi aallartittussaagaluarput, tassa oktobarip 20-ata tungaanut marlunngornerit tamaasa toqqaannartumik timmisartuussisoqartassasoq pilersaarutaagaluarluni.
Maannali Kangerlussuarmut toqqaannartumik timmisartuussinerit marsimi aatsaat aallartittussanngorput. Angallassinissanut siullernut billetsit ikippallaartut tunineqarsimanerat tamatumunnga pissutaavoq.
- Københavnip Kangerlussuullu akornanni toqqaannartumik timmisartuussineq februaarip qulingani aallartittussaagaluarpoq. Ullormili tassani kiisalu februaarip 17-iani 24-anilu angalasussat ikippallaarmata angallassinissat ataatsimoortissallugit aalajangerpugut. Taamaattumik ulluni taakkunani angalasussat Nuuk aqqusaarlugu Kangerlussuarmut utimullu angalanissamut neqeroorfigineqarput, Air Greenlandimi Piujuartitsinermut Attaveqaqatigiinnermullu pisortaq Inga Dora Guðmundsdottir Markussen oqarpoq.
Albatrosimik suleqateqarneq
Københavnip Kangerlussuullu akornanni toqqaannartumik timmisartuussisarneq Air Greenlandip aamma Albatros Arctic Circlep, akunnittarfimmik ingerlatsisup mittarfiullu eqqaani angallassinernik takornariartitsinernillu aaqqissuussisartup, suleqatigiinnerisa inerneraat.
Air Greenlandip Albatrosillu Københavnip Kangerlussuullu akornanni sapaatip-akunneranut marloriarluni timmisartuussisoqartarnissaa 2025-mi isumaqatigiissutigaat. Timmisartuussisarnerit marsip 17-ianiit oktobarip 16-iata tungaanut ingerlanneqassallutik. Timmisartoq Kangerlussuarmiit Nuummut ingerlaqqittassaaq, Kangerlussuarlu aqqusaarlugu utertarluni.
Siorna aasaanerani angalasut amerlammata ukioq manna sapaatip-akunneranut marloriarluni timmisartuussisoqartassasoq aalajangerneqarpoq – Nuummut ingerlaqqittoqartarani.
- Angalanissamut pilersaarutit naleqqussarsimavavut takornarianut nunamilu angalasunut iluaqutaasumik. Københavnimiit Kangerlussuarmut marlunngornikkut toqqaannartumik timmineq, nunap iluani aqqutinut ataqatigiissaarneqarpoq, taamaalilluni nunatta iluani angalanerup pitsaasuunissaa qulakkeerneqarluni. Tamanna angalasorpassuanut Kangerlussualiartunut, Sisimiuliartunut Ilulissiartunullu tapertaalluarpoq, angalanissamut pilersaarutit patajaannerulerlutik, Air Greenlandip ingerlatseqatigiiffissuani niuernikkut pisortaagallartoq Mogens Jensen Københavnip Kangerlussuullu akornanni timmisartuussisarnerit siorna septembarimi nalunaarutigineqarnerani oqarpoq.
Københavnip Kangerlussuullu akornanni aqqut Jettime-imit Boeing 737-800-mik 189-inik ilaasoqarsinnaasumik ingerlanneqartarpoq.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
