Aningaasaliisartut misissorneqartarnissaannut inatsit nutaaq, nunanit allanit aningaasaliisarnerit Nunatta isumannaatsuunerata ulorianartorsiortinneqannginnissaa anguniarlugu, aappassaaneerneqartinnagu upernaakkut ataatsimiinnermi tunuartinneqarpoq. Inatsisartunit taama nalunaarutigineqarpoq.
Inatsisissatut siunnersuut Inatsisartut ukiakkut ataatsimiinneranni novembarip 11-ani siullermeerneqarpoq, tamatumalu kingorna inuussutissarsiornermut aatsitassanullu ataatsimiititaliamut ingerlateqqinneqarpoq. Pilersaarutit naapertorlugit inatsisissatut siunnersuut immikkoortoq 22 upernaakkut ataatsimiinnermi oqaluuserineqartussaagaluarpoq.
Sermitsiap paasisai naapertorlugit naalakkersuisunngortup naalakkersuisoqarfiullu inatsisissatut siunnersuutip saqqummiunneqannginnerani annikitsualuit paasisallu tamaasa inisseqqaarnissaat kissaatigineqarmat, inatsisissatut siunnersuut ataatsimiinnermi oqaluuserisassani peerneqarpoq.
Inatsimmik tunngavissaqanngitsoq
Aningaasaliisartunik misissuisarneq pillugu inatsit Naalakkersuisut aningaasaliissutinik naleqqutinngitsunik inerteqqutiginnissinnaanissaannut, itigartitsisinnaanissaminnut utertitsisinnaanissaminnullu tunngavissaqartinneqarnissaanut siunertaqarpoq.
Nunanit allanit Kalaallit Nunaanni aningaasaliissutit isumannaallisaanermut inuiaqatigiinnilu isumannaatsuuneq eqqarsaatigalugit misissornissaannut pisariaqarpallu akuliunnissamut tunngaviusumik inatsisinik maanna tunngavissaqanngilaq.
Nunanit allanit aningaasaliisartunut tamanut atuutissaaq
Siunnersuut septembarip 15-ianniit oktobarip 13-iata tungaanut tusarniaassutigineqartoq naapertorlugu inatsit nunanit allaneersunit aningaasaliisunut tamanut inunnut suliffeqarfinnullu atuutissaaq.
Suliffeqarfiit illersornissamut tunngasunik suliaqartut, qarasaasiatigut isumannaallisaanermik suliaqartut paasissutissanilluunniit isertuussassanik suliaqartut, suliffeqarfiit marloqiusamik atuisunik tunisassiortut aamma suliffeqarfiit teknologiimik pingaarutilimmik tunisassiortut immikkut mianernartutut taaneqarput. Aammattaaq attaveqaatit pingaarutillit, erngup nukiganik nukissiorfiit, aatsitassarsiorneq namminersorlutillu oqartussat suliffeqarfiutaat pineqarput.
Aningaasaliisartunik misissuinermut inatsit 2026-mi ukiakkut ataatsimiinnermi inaarsarneqarnissaa naatsorsuutigineqarpoq.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
