Aalisakkat tunisassiat avammut tunisat ukioq manna aallartilluarput, taamatullu ingerlaannassasoq Naatsorsueqqissaartarfiup naatsorsuinerani nutaami takuneqarsinnaavoq.
Avammut tunisat pingaarnerit, tassa raajat, saarulliit, qalerallit, saattuat nipisallu suaat, qanoq ingerlanersut Nalunaarusiami takutinneqarpoq.
Nioqqutissanik taakkuninnga avammut niuernerup nalinga januaarimiit apriilimut 2 milliarder koruunit sinnilaarlugit naleqarpoq.
- Siorna piffissamut tassunga sanilliullugu 698 millionit koruuninik, tassa 52,0 procentimik, qaffariaateqarneq pineqarpoq, Naatsorsueqqissaartarfik allappoq, kisitsisillu suli tamakkiisumik naatsorsorneqarsimanngimmata qajassuartumik najoqqutarineqassasut erseqqissarneqarpoq.
Soorlu takussutissiami ataaniittumi takuneqarsinnaasoq, avammut tunisat ukiup aallartinnerani ukiuni arlalinni aatsaat taama annertutigipput.
Pissuseqatigiiaat tamarmik kiilumut akii qaffakkiartorsimapput. Naatsorsueqqissaartarfik naapertorlugu pissuseqatigiiaat ataatsiakkaat pillugit kisitsisit ima isikkoqarput:
