Disko Line 2024-mi 2.796.000 koruuninik angusaqarnikuulluni 2025-mi 3.454.000 koruuninik angusaqarpoq.
Tamanna suliffeqarfiup ukiumoortumik naatsorsuutaani sapaatip-akunnerani kingullermi saqqummiunneqartuni takuneqarsinnaavoq.
Naak sinneqartooruteqartoqaraluartoq ingerlatseqatigiiffiup aqutsisuisa nalunaarutaanni angusat naammaginanngitsutut oqaatigineqarput. Angusaqarluarneq 3.304.000 koruuninik immikkut ittumik isertitaqarnermik, 2025-mut missingersuutini ilanngunneqarsimanngitsunik, pissuteqarpoq – taamaalilluni nalinginnaasumik ingerlatsinermi angusat 150.000 koruuniinnanngorlutik appartinneqarlutik.
- Qaqortumi sulisunut init kiisalu Kujataani ingerlatsinerup pitsaanerulersinnissaa anguniarlugu targat marluk tuninerisigut immikkut ittumik isertitaqarpugut, pisortaaneq Michael Højbjerg oqarpoq.
Narsarsuaq mittarfik atorunnaarlugu Qaqortumilu mittarfik nutaaq atulerpat ingerlatsineq pisariillisarniarlugu Disko Linep ingerlatseqatigiiffik Blue Ice Explorer ingerlatseqatigiiffimmut piginnittuusumut siorna kattuppaa.
Aningaasarsiat qaffakkiartornerannit tatineqarneq
- Taamaakkaluartoq Disko Line aningaasartuutinik tatineqarpoq – pingaartumik angallatini inuttat aningaasarsiaasa qaffakkiartornerannit, aammali Narsarsuarmi mittarfiup matuneqarnerata kingorna Naalakkersuisunut kiffartuussinissamik isumaqatigiissutaat annikinnerulermat. Isumaqatigiissut aningaasat naleerukkiartornerannut nalimmassarneqanngilaq, Michael Højgaard ilisimatitsivoq.
- Aamma 2025-mi 2024-mut sanilliullugu amerlanerusunik sulisoqarpugut – ilaatigut angallat nutaaq Maliina Ittuk, 113-inik ilaasoqarsinnaasoq, Qaqortup Narsarsuullu akornanni angallassinermut ukiaq atorneqalermat.
Maliina Ittuk, naatsorsuutini 101.724.911 koruuninik nalilittut nalunaarsorneqartoq, umiarsuarnik niuertitsisarfik Atlantic Shipping aqqutigalugu maanna tuniniarneqarpoq. Qaqortumi mittarfiup ammarnerata kinguninngua Maliina Ittuk atorunnaarsinneqarpoq Nuummullu nuunneqarluni, maannalu angallatip pisiarineqarnissaata tungaanut amutsivimmiitsinneqarluni.
- Ukiumi naatsorsuusiorfiusumi aggersumi ingerlatseqatigiiffiup aningaasartuutaasa annikillisinnissaat anguniagaraarput, Maliina Ittuullu tunineqarnera iluaqutaanissaa ilimagineqarpoq, Michael Højgaard oqarpoq.
- 2025-mi ingerlatsineq eqqarsaatigalugu periuserineqartoq ajunngitsumik ingerlavoq. Maliina Ittuup tunineqarnera pilersaarutit malillugit ingerlappat 2026-mi ingerlatsinermi angusat 2-3 millionit koruunit missaannik amerlassuseqarumaartut naatsorsuutigaara.
Igaliku Bygdehotel ingerlatseqatigiiffimmut piginnittuusumut kattunneqartoq
Disko Line Topas Explorer Groupimut ilaavoq, taannalu immikkoortortaqarfinnut immikkut ittunut ineriartortitsileruttorluni. Ineriartornermi tamatumani Igaliku Bygdehotelimik ingerlatsineq Disko Linemit suliffeqarfissuup akunnittarfinnut immikkoortoqarfianut nuunneqarumaartoq naatsorsuutigineqarpoq.
- Qaqortumi mittarfiup ammarneqarnera siunissami allannguuterpassuarnik kinguneqassaaq. Mittarfik takornariaqarnerup ineriartorneranut suliniutillu amerliartornerannut tapertaassaaq, taamaattumik siunissaq isumalluarfigaarput, Michael Højgaard oqarpoq. Taassuma Narsarsuup mittarfittut pingaarnertut atorunnaarnerani Kujataani sulisuminnut amerlasuunut ulloq aliasuffiusoq isertuutinngilaa.
- Amerlasuut Narsarsuarmi aallartipput ukiorpassuarnilu tassani najugaqarnikuullutik, taamaattumik piviusunngormat soorunami tussunngutigaat.
Disko Line Kujataani angallassisarnerup saniatigut Qeqertarsuup Tunuani kiffartuussinissamik aamma isumaqatigiissuteqarpoq, umiarsuaatileqatigiiffiullu qullersaqarfia Ilulissaniilluni.
Disko Linep siulersuisuini Topasimik pilersitsisoq Jørgen Sølvsten Nielsen siulittaasuuvoq, kiisalu Jakob Sølvsten Nielsen aamma Michael Højgaard ilaasortaallutik.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
