Inuussutissarsiutigalugu piniartunut aammalu innuttaasunut suli appaserusuttunut nutaarsiassatsialaqarpoq.
Naalakkersuisummi nalunaaruteqarput aalajangiisimallutik zone 3-mi – tassa Qeqertarsurmiit Nanortalik ilanngullugu - appanniarnermut piffissarititaasoq sivitsorneqassasoq inuussutissarsiutigalugu piniarsinnaanermut allagartalinnut.
Sivitsuineq atuuppoq 31. december 2025 unnuap qeqqa ilanngullugu.
Appanniarneq inuussutissarsiutigalugu piniarsinnaanermut allagartalinnit ingerlanneqarsinnaavoq nalunaarummi atuuttumi killilersuutit allaqqasut malillugit. Tassalu ullormi piniarfiusumi ataatsimi appat 20-t pisarineqarsinnaallutik.
Timmissanik tuniniaaneq nammineq aqutsiveqarfigisami taamaallaat pissaaq.
- Appanniarnerup sivitsorneqarnera tunngaveqarpoq aqutsiveqarfiit ilaanni isertitaqarniarnermi periarfissaalatsineq, tassunga ilanngullugu puisit amiinik tunisinerup ikileriarsimanerat, taamak ilisimatitsipput Naalakkersuisut tusagassiuutitigut nalunaarumminni.
