Sineriak tamakkerlugu silap pissusaa nalinginnaanngitsuusoq qaammatini kingullerni eqquingaatsiarpoq. Aputeqarnanilu issinngilaq, illuatungaanilli kianngaq sialullu atugassaritinneqarput.
Tamanna pissutigalugu sinerissap ilarujussua suli sikunngilaq. Politikerit arlallit ukiup taamaalinerani sikuusartumi najugaqartut RAL-imut pissutsit atorluaqqullugit umiarsuarnik pajuttoqaqqullugu piumasaqarput.
Ukiumulli pilersuinissamut pilersaarut ukiup siuliata naajartulernerani naammassineqareersoq, Niels Clemensen Royal Arctic Linemi pisortaaneq oqarpoq.
Iliuuseqartoqarnissaanik piumasaqarneq
Jens Napãtôĸ', Naleraq, Avannaata Kommuniani borgmesterip tullia siulleq Inatsisartunilu ilaasortaq Upernavimmi najugalik, ukiup taamaalinerani suli sikusimanngitsumi najugaqarpoq. Taamaattumik Naalakkersuisunut isorliunerusuni maanna sikusimanngitsuni pitsaanerusumik pilersuisoqarnissaanik pilersitsisoqassasoq januaarip arfineq-aappaanni sakkortuumik kaammattuuteqarpoq. Isumaqarporli sinerissami illoqarfinni nunaqarfinnilu ukiukkut sikusartuni innuttaasut tamarmik nioqqutissanik pilersorneqartariaqalersut.
- Sumiiffiit ilarpassuini suli sikunngilaq, taamaakkaluartoq imaatigut nioqqutissanik assartuineq naleqqussarneqanngilaq. Innuttaasut iluaqutissaannik pissutsit naleqqussarfigineqarnissaat piffissanngorpoq. Sinerissamiittunut sanilliukkaanni Tunumi Avannaanilu pissutsit ajornerunerat malugineqarsinnaavoq
- Sikusimanngikkallartillugu pilersaarusiorluarnissaq pingaaruteqarpoq, taamaattumik Naleqqamiit Naalakkersuisut kajumissaarpavut periarfissat amerlanerusut pitsaanerusullu angunissaannut iliuuseqaqqullugit.
- Isorliunerusut ukiukkut sikuusartut maanna imartaqarput, taamaattumik piffissanngorpoq taakkua ullumikkumut naleqqiullugu pitsaanerusumik pilersaarusiorfigineqarnissaannut, oqarpoq.
Taanna isumaqarpoq naapertuutinngilluinnartoq sinerissami qitiusoqarfiit isorliunerusunit pitsaanerusumik pilersorneqarnissaat. Taamaattumik Naleqqap saaffiginnissutaa tusarneqarumaartoq ingerlaannarlu iliuuseqartoqarumaartoq neriuutigaa.
Uummannami Qeqertarsuup Tunuanilu politikerit arlallit Sermitsiamit oqaloqatigineqartut ilisimatitsipput sumiiffinni taakkunani aamma suli sikusimanngitsoq, Jens Napãtôllu kaammattuutaa tapersersorlugu.
Ukiuunerani pilersuisoqanngitsoq
Royal Arctic Linemili pisortaaneq Niels Clemensen naapertorlugu umiarsuaatileeqatigiiffik Avannaanut Tunumullu immikkut umiarsuarnik pilersuisussanik aallartitsinissamik pilersaaruteqartoqanngilaq, taakkununnga ukiukkut nioqqutissat tamarmik umiarsuarmik tikisinneqareersimammata.
Taanna oqarpoq RAL-ip ukiuunerani umiarsuaatini amutsivinni talittarfinnilu aserfallatsaaliortarlugit, taamaalillutik umiarsuit ukiumi angallaffiusumi aserfallatsaaliornissamut piareersimatillugit, taamaalillutillu teknikkikkut ajutoortoqarsinnaanera annikillisinniarlugu.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
