Lars Nielsen, timmisartumi mekanikeri, Christian Singertat, timmisartumi mekanikeri, Hans-Olav Inuk Larsen, timmisartumi mekanikeri, Jonas Bahnsen, assartugalerisoq, Hans-Jørgen, Qarasaasialerinermut sullissisoq, Air Greenlandimi ilinniarnerminnik naammassinnipput. Timmisartuutileqatigiiffik Facebookimi quppernermini taama nalunaaruteqarpoq.
- Nuannaarutigeqisatsinnik nalunaarutigisinnaavarput, taakku tamarmik tallimaallutik Air Greenlandimi suliinnarnissaminnik isumaqatigiissuteqarmata. Sulilluarnerat, tunniusimanerat piginnaanerminnillu suliffeqarfimmut tunniussinerat tulluusimaarutigaarput, Air Greenland allappoq.
Ilinniartut naammassisut Nuummi kantiinami ilassinninnermik nuannersumik nalliuttorsiutigineqarput, suleqataalluarnerallu nersorniarneqarlutik.
