Christoffer Guldbrandsenip, piviusulersaarummik ’A Storm Foretold’-imik USA-mi 2020-mi præsidentimut qinersisoqarnera sioqqullugu kingornalu Donald Trumpip siunnersortaanik Roger Stonemik malinnaaffiginnittoq, Naalakkersuisut siulittaasuat maanna malinnaaffigaa.
Assiliiviuk mikrofonilu ukiup ataatsip missaani maanna ikumasimalertut, DR allappoq.
Ukioq Jens-Frederik Nielsenip (D) tamatigut misilinneqarfigisaa.
Qallunaaq filmiliortartoq piviusulersaarusiortartullu siorna Inatsisartunut qinersisoqarnerani immiussilersimallutik DR-imut oqarpoq.
- Tusagassiortutut kisiartaavunga, allanik soqanngilaq, Christoffer Guldbrandsen tusagassiorfimmut oqarpoq.
Filmliornerit suli ingerlapput. Naammassippallu filmit immikkoortut ´A Storm Foretold´ 2023-mi saqqummertup malitsigissavaa.
