Pilutaq Berthelsen, arpattartoq, Ilulissani timersortartut nersorniarneqarneranni januaarip 31-ani ingerlanneqartumi Avannaata Kommuniani ukioq 2025 timersullammattut toqqarneqarpoq.
- Uumaa, tupannermut misigisaq eqqumiippoq nuannerlunilu, Pilutaq Berthelsen AG-mut oqarpoq.
Pilutaq siorna arpannermik aaqqissuussat annertuut aqqanillit peqataaffigisimallugit oqaluttuarpoq, ilaatigut ukua: Siku Cross Uummannaq Marathon, Aasiaat Marathon, Polar Circle Challenge (Kangerlussuaq) kiisalu nunarput sinnerlugu unammisartutut Islands Gamesimi Orkneyip qeqertaani Skotlandimiittumi unammeqataasimalluni.
- Uummannaq sikussappat Siku Cross Uummannaq Marathon immaqa peqataaffigisinnaassavara, taakkua peqataaffigisartakkakka peqataaffigissavakka, aningaasaliisut apeqqutaasaramik, Pilutaq oqarpoq.
