Jens Bjergep Ironmanimik unamminerata aappaanni inuppassuarnit tapersersorneqarumaartoq Fitnessgl neriuppoq.
- Jens Bjergep Ironman World Championship 2026-mi Kalaallit Nunaannit Hawaiimi oktobarimi peqataanissaanut atatillugu Fitnessgl-ip 25.000 koruuninik tapiissuteqarfigaa, Facebookimi taama allassimasoqarpoq.
Jens Bjerge 2015-imi 50-inik ukioqarluni Ironmanimik unamminermi siullermeerluni peqataavoq. Taamanikkut aamma Hawaiimi ingerlanneqarpoq, taamanilu Ironmanimi VM-ertoqarnerani kalaallinit peqataasoqaqqaarluni.
