Nanna Møller Norgemi timersornermik ilinniarfimmeersoq Norges Cupimi peqataaqqaarnermini angusarissaarpoq, normu 2-nngorami, taamaallaat Tyskimit ajorsartinneqarluni Norskillu niviarsiarartaat 17-inik ukiullit tamaasa ajugaaffigalugit. .
Nannap, Geilomi sisoraatinik ujakkaartartunut ilinniarnertuunngorniarfimmi ukiarmili ilinniartunngortoq, Norges Cupimi aappassaannik peqataanermini Norgemi pikkorinnerpaat unammisinnaallugit takutippaa. 6 kilometerinut unamminerminni marloriarluni ooqattaasarnermini pallorluni ooqattaasarnermini ataasiarluni uniorpoq nikuillunilu ooqattaasarnermini marloriarluni uniorluni. Sukkanerpaap tulliatut apuuppoq, Tyskimit ajugaasumit, Norgemi aamma sisoraatinik ujakkaartartunut ilinniarnertuunngorniarluni aamma ilinniartuusumut sekundinik arfineq- pingasuinnarnik arriinnerulaarluni.
Nuannersumik normu 2-nngornermigut Nannap qanoq piukkunnaateqartiginini takutippaa.
