Sondre Slettemark arfininngornermi IBU Junior Cupimi ooqattaasarluni sisorarnermi ajugaasuuvoq. Tassami Jakuszicemi Polenimiittumi unamminermi 12 kilometerimut ajugaasuuvoq.
Taama allappoq atuagassiaq Nordicmag.info, kalaallillu inuusuttup ooqattaasarluni sisorarnermi ujaminnattup assinga kusanartoq saqqummersillugu.
Taamaalilluni Slettemark sisamanngornermi unamminermi assigiinngitsunik angusaqareerluni ingerlalluaqqilerpoq. Tassani sukkanersaata tulliatut inissippoq, kisianni ooqattaasarnerlunnermigut normu 8-tut inissippoq.
Sondre Slettemark 20-nik ukioqartoq ukioq manna inuusuttut unammiuaarnerinut naggammik peqataavoq. Qanittukkulli Oberhofimi Tysklandimiittumi inersimasunut aamma unammiuaarpoq.
