Arctic Umiaq Linep sinersortaataa ukiuunerani angalanissaanut pilersaarut naammassivaa, taannalu februaarip 20-anni aallartissaaq.
Umiarsuaatileqatigiiffik ilisimatitsivoq Qeqertarsuup Tunuani siku nalinginnaasumit kippasinnerusoq, taamaattumillu umiarsuaq maannakkuugallartoq Qeqertarsuup Tunuanut tikissinnaasoq. Tamannalu nalinginnaasumit siusinnerusukkut pivoq.
Angalanissamut pilersaarut
- Maluginiaqquneqarpoq kitaata sikui talissagaluarpata sinersortaat Sisimiunut killiinnartalissammat, Arctic Umiaq Line tusagassiutinut nalunaaruteqarluni allappoq.
Nuummiit aallarnissaq siulleq tallimanngornermi februaarip 20-ani nalunaaqutaq 21.00 pissaaq, Ilulissanullu apuunnissaa sapaatiuppat februaarip 22-ani nalunaaqutaq 13.00 naatsorsuutigineqarluni.
Umiarsuaatileqatigiiffiup nittartagaani angalanissamut pilersaarutit takuneqarsinnaallutillu bilitsit pisiarineqarsinnaapput – uani takukkit.
