Qamutit ujaasillutillu anaassiniartartut piffissami kingullermi Nuup eqqaani aputip sisoornerani marlunni qamuteralannik annaassiniarnermi pingaarutilimmik inissisimaffeqarsimavoq.
Maanna annaassiniartartut Bankivimmiit aningaasaliiffigineqarlutik ikiorneqarput.
Aningaasaliissuteqarnerup kingunerisaanik Qamutit ujaasillutillu annaassiniartartut ukiut tamaasa ukiuni pingasuni isumannaallisaanermut annaassiniarnermullu atortunik pisinissamut kiisalu – ingammik ukiukkut - SAR-imik (ujaasinermik annaassiniarnermillu) piginnaasaqarneq nukittorsarniarlugu pikkorissarnermut peqataanissamut periarfissaqalerluni aningaasanik tunineqartassasoq tusagassiorfinnut nalunaarummi nassuiarneqarpoq.
- Taamatut isumaqatigiissusiornitta pikkori1itsinnik ineriartortitsinissatsinnut atortorissaarutittalu annaassiniarnermi pingaaruteqaqisut pigisarnissaasa qulakkeernissaannut periarfissippaatigut. Nammineq kajumissutsitsiminnik suliaqartunut tapersersuineruvoq pingaarutilissuaq, Lars-Borris Pedersen, Qamutit SAR Gruppemi aqutsisoq oqarpoq.
Qamutit SAR Gruppe peqatigiiDiuvoq nammineq kajumissutsimik akissarsiartaqanngitsumillu ingerlanneqartoq, taakkulu pisariaqartitsisoqaraangat Kalaallit Nunaata Politiivi, Qatserisartut Arktisk Kommando-lu ikiortarpaat. Gruppep pingaarnertut pikkoriffigivaa apummik sisoortoqarsimatillugu annaassiniarneq.
Aamma pinaveersaartitsiumallutik apummik sisoortoqartarneranut tunngatillugu pikkorissarnernut peqataasarput.
- Qamutit SAR Gruppep pingaaruteqaqisunik suliaqartarnerini tapersersorsinnaanerat tulluusimaarutigaarput. Kalaallit Nunatsinni isumannaallisaanermik toqqissisimatitsinermillu siuarsaanermi pingaarutilerujussuarmik suliaqarput, tamannalu tapersersorusupparput,” Pia Holm Jensen, Bankivimmi atuisunut pisortaq oqarpoq.
