Amerikamiu pisooq Trumpimik tapersersuisoq Ronald Lauder Kommuneqarfik Sermersuumilu borgmesteri Avaaraq Olsen (IA) ataatsimiinnukuunerat maannamut ilisimaneqanngitsoq qallunaat tusagassiorfiata Finansip weekendimi allaaseraa.
Ronald Lauder immikkut soqutiginaateqarpoq, taannami Donald Trumpimut Kalaallit Nunaata pisiarinissaanik isumassarsititsisutut tusagassiutini arlalinni allaaserineqarnikuuvoq.
Borgmesterip Ronald Louderillu Nuummi ataatsimiissimasut Finans allappoq. Borgmesterip Lauderillu saniatigut kommunaldirektør Ole Jakobsen aamma Lauderip niuernermi suleqataa Josette Sheeran peqataapput.
- Borgmesterip suliassaasa ilaat
Sermitsiap Kommuneqarfik Sermersooq borgmester Avaaraq Olsen pisoq pillugu apersorumallugu saaffigaa, borgmesterili ilaquttamini napparsimasoqarnera pissutigalugu sulinngiffeqarmat tamanna ajornarpoq.
Kommunili allakkatigut akissuteqarpoq, pisorlu inussiarnersumik naapinnerusoq borgmesterillu suliassaasa ilagigaat nassuiaatigineqarluni.
Kommunip paasissutissiinera naapertorlugu borgmesterip kommunimut sinniisuunermini nunarsuarmullu allanut attaveqarnermini ataatsimiinnerit taamaattut pissusissamisoorput:
"Nuummi borgmesterip Amerikamiullu niuertup Ronald Lauderip ataatsimiinnerat tusagassiuutitigut allaaserineqarneranut ilassutigalugu naapinneq sivikitsumik inussiarnisaarluni pulaarnerusoq, nalunaaquttallu akunnerata affaata missaani sivisussuseqartoq paasissutissiissutigisinnaavaarput,“ kommuni allappoq nangillunilu:
"Ataatsimiinneq oqaloqatigiinnissamik kissaateqartoqarnera pillugu saaffiginnittoqareersorlu pivoq, borgmesterillu sulineranut nalinginnaasumut ilaalluni."
- Ataatsimiinneq isummanut aalajangersimasunut tapersersuinerunngilaq
Ataatsimiinnerit taamaattut oqaloqatigiinneruinnarlutik politikkikkut aalajangersimasunik sammisaqarfiunngitsut aalajangiiffiunngitsulluunniit kommunip akissummini erseqqissarpaa, taamaattumillu imaqarniliortoqarani.
Borgmesterip Ronald Lauderip Donald Trumpimut Kalaallit Nunaata pisiarinissaanut isumassarsititsisutut oqaatigineqartarnera qanoq isumaqarfigineraa, aamma borgmesterip inuk taamatut siunertalik ataatsimeeqatigissallugu mianersorfigissannginneraa Sermitsiap allakkatigut apeqqutigaa.
Kommuni apeqqutinut ima akivoq:
"Ataatsimiinneq tikeraap isumaanut imaluunniit soqutigisaanut tapersersuinermut tunngassuteqannginnera erseqqissaatigissavaput. Kommunimi aalajangisarneq paasissutissanik tunngaveqartarpoq, aamma tamat oqartussaaqataanerisa sinaakkutaat aallaavigalugu."
Kalaallit suliffeqarfiutaannut aningaasaliisoq
Ronald Lauder Kalaallit Nunaanni ataatsimeeqateqaannanngilaq. Ataatsimeeqataasoq Josette Sheeran peqatigalugu suliffeqarfik aqqutigalugu Greenland Waterbank aningaasaliiffigaa.
Ingerlatseqatigiiffimmi piginneqataasup Jørgen Wæver Johansenip Trumpip Kalaallit Nunaannik tiguaaniarluni tatisineranut atatillugu Amerikamiut aningaasaliisut ajornartorsiutaanngitsut siusinnerusukkut oqaatiginikuuaa.
– Arlaata suunngitsoq sorsualiariniarsarigaa isumaqarpunga. Imermik nioqqutissiortuaraavugut, kiisami suleqatissamik nassaartut. Danskit suliffeqarfippassui arlallit aamma Amerikamiunik piginnittoqarnerat eqqaamaneqartariaqarpoq, Jørgen Wæver Johansen Sermitsiamut decembarimi oqarpoq.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
