Kalaallit Nunaanni Politiit angerlarsimaffimmi nakuusertoqarneranik pingasunngornermi unnukkut qulip missaani nalunaarfigineqarput.
Tamanna pigaartut pisortaata Malik Olesenip Sermitsiamut oqaluttuaraa.
- Angut ajoqusersimasut nakorsiartarfiannut saaffiginneqqaarpoq, tassanilu katsorsarneqarpoq kingornalu politiinut nalunaarutiginnillutik. Unnuaq taanna kingusinnerusukkut nalunaaqutaq 02.30 missaani pasisaq tigusarineqarpoq, Malik Olesen oqarpoq.
- Nakuuserneq angerlarsimaffimmi pivoq, tassa illoqarfiup qeqqani, itisiliilluni oqarpoq.
Pisoq nakuusernertut misissuiffigineqartoq, pasisarlu killisiorneqassanersoq aalajangertinnagu politiit inatsisitigut nalilersuisariaqartut, taanna oqarpoq.
