Lotte Ø. Hastrup, Nuummi meeqqat angerlarsimaffianni Sikkernermi pisortaq, Stark Kalaallit Nunaata aningaasaliissutaanik 165.000 koruuninik tunineqarpoq. Stark Kalaallit Nunaat Facebookimi quppernermini taama allappoq.
Suliffeqarfik meeqqat angerlarsimaffiannut tallimassaanik katersuiniarpoq, ukiullu ingerlaneranni aningaasat amerliartuinnarsimapput.
Ikkussaq naapertorlugu aningaasat meeqqat angerlarsimaffiata illuutaata kangerlummiittup aserfallatsaaliorneranut atorneqarumaarput.
- Illuaqqat meeqqat perorsaanikkut oqaloqateqartarnikkullu sulinermi pingaarutilerujussuupput, nuannaarutigisimavarpullu ukioq kingulleq aningaasaliissutit ilaatigut nutaamik aneerasaartarfiliornermut kiisalu illuaqqap qalipanneqarneranik kinguneqarnerat, meeqqat maanna atorsinnaasaat, Stark Kalaallit Nunaat allappoq.
