Donald Trumpi Kalaallit Nunaat pillugu nutaamik oqariartuuteqarpoq. Maannakkut USA-p immikkut aallartitaa Jeff Landry suleqatigalugu umiarsuarmik napparsimavimmik Kalaallit Nunaannukartitsiniarluni allappoq:
- Louisianap guvernøritsialassua Jeff Landry suleqatigalugu inunnut napparsimasorpassuarnut katsorsarneqarneq ajortunut passusisussamik umiarsuatsialassuarmik Kalaallit Nunaannukartitsissuugut, præsidenti allappoq, imalu erseqqissaalluni:
- Aggerpoq!!!
Oqariartuut assimik AI-mit pinngortinneqartumik umiarsuarmik napparsimavimmik Amerikamiut erfalasuannik erfalasulimmik ingiaqateqartinneqarpoq.
Præsidentip Amerikami oqartussanit paasissutissanik erseqqinnerusunik innersuussinaniluunniit allanik taamatut ingerlatsinerup qanoq sunniuteqarnissaanik allamik innersuussinngilaq.
Jeff Landryp Trumpip ivertitaa X-ikkut ingerlateqqippaa, tassanilu præsidenti qutsavigaa, immikkoortumilu pingaarutilimmi tassani suleqatiginera tulluusimaarutigalugu allalluni.
Trumpip illersortaasa arlallit Danmarkip Kalaallit Nunaanni peqqissutsikkut pissutsinik pitsaanngitsunik atugassaqartitsinera siusinnerusukkut isornartorsiortarpaat. Peqqinnissaqarfimmut oqartussaaffik 1992-mi tiguneqarpoq Kalaallillu Nunaannit akisussaaffigineqarluni. Ukioq mannali Danmarkip kalaallinut napparsimasunut Danmarkimi katsorsarneqartunut ukiut 200 million koruuninik akiliisarnissaa isumaqatigiissutigineqarpoq.
