USA-p præsidentiata Donald Trumpip Iranimi qullersanngortussap toqqarneqarnerani peqataassaaq. Ayatollah Ali Khameneip toqutaanerata kingorna toqqaasoqartussanngorpoq.
Trump Amerikami tusagassiuutinut Axiosimut oqarpoq.
- Toqqaanermi peqataasariaqarpunga, soorlu Venezuelami Delcyp toqqarneqarneratut, Trump oqarpoq.
Delcy Rodriguez, taamani præsidentiusoq Nicolas Maduro januaarip aallartinnerani sakkutuunit Amerikamiunit tigusarineqarmalli Venezuelami præsidentiugallartoq, pivaa.
Trumpip Ali Khamenep ernera nunami siuttunngornissaa akuerisinnaanagu aamma oqarpoq. Mojtaba Khamenei taartissatut isigineqartoq perpasippaa.
- Khamenep ernera akuerisinnaanngilara. Iranimi eqqissinermik pitsaasumillu ingerlasoqalernissaanik aqutsisussaq perusupparput, Trump oqarpoq.
/ritzau/
