Hans-Peter N. Bay, nipilersortartoq, nipilersoqatigiit Max 5 Tassa peqatigalugit EP-mik tallimanik erinartalimmik saqqummersitsivoq. Nipilersoqatigiit tusagassiutitigut nalunaarummi taama ilisimatitsipput.
Nipilersoqatigiit ukiut 20-t sinnerlugit imminnut ilisarisimapput, siornatigulli nipilersoqatigiinnikkut suleqatigiisimanngillat. Tamanna Qaqortumi 2023-mi immikkut ittumik sikorsuaqallarmat allanngorpoq.
Nipilersuutit nunani tamalaani nunatsinnilu 80-ikkunni rockernermit isumassarsiaapput. Erinarsuutit taakkua ilaat marluk, Nunaga pt. 1 aamma Angerlarfissara pt. 2, nipilersoqatigiinnut pingaaruteqarluinnarput, tassami nunarsuarmut angalaneq naggataatigullu angerlaqqinneq sammineqarput.
