Arfininngormat Bodilimik nersornaat 79-issaat agguaanneqarpoq, Kalaallillu Nunaanni filmiliortartut tamarmiusut nersornaaserneqartunut ilaapput.
Kalaallimmi Nunaanni filmiliortartut ukioq manna Immikkut Bodilimik tunineqarput.
Kalaallit Nunaanni filmiliortartut filmiliornermik soqutigisaqartut ukiuni qulikkaani anguniagaqartumik filomiliornermik inuussutissarsiummik sanarfisimanerat, kiisalu 2025-imi filmiliortartut “immikkut eqqumiitsuliornikkut suliffeqarfitsigullu ineriartorsimanerat, minnerunngitsumik Kalaallit Nunaanni Filminstitutimik pilersitsisimanerat, immikkut nersorniarlugu nersornaaserneqarput."
Danske Filmkritikere nersornaammut tunngavilersuutiminni ilaatigut ima allapput:
- Immikkut Bodili una aqqutigalugu Danske Filmkritikerit suliniarneq taanna nersualaarlugulu taperserumavaat, taamaalilluni kalaallit oqaluttuaat siunissami kalaallinit namminernit oqaluttuarineqarsinnaanngussallutik.
- Piffissami Kalaallit Nunaat nunatut nunarsuarmi politikikkut nalinginnaanngitsumik ilungersunartorsiornerani, filmiliortarnermik kulturip inuiaqatigiit kinaassusaannik ataqatigiissinnaassusiannillu pilersitsinermi inissisimanerata eqqaamanissaa pingaaruteqarluinnarpoq.
Bodilimnik nersornaat peqatigiiffimmit Danske Filmkritikerinit agguaanneqartarpoq, Københavnimilu Folketeaterimi ukioq manna agguaassineq ingerlanneqarpoq.
