Nuummi najugaqarfimmi nakuusertoqartoq Kalaallit Nunaanni Politiit ataasinngornermi ualikkut nal. 15.47 nalunaarfigineqarput. Politiiniit Poul Kreutzmann Sermitsiamut ilisimatitsivoq.
Politiit ornigupput angullu 42-nik ukiulik tigusaralugu.
Angut 64-inik ukiulimmut nakuusersimasutut pasineqarpoq, ilaqutariillu iluanni pisimasutut politiinit nalilerneqarluni. Nakuuserfigineqartoq ajunngitsoq politiit paasissutissiipput.
Angut 42-nik ukiulik inunnut navianartorsiortitsisutut allanik pinerluuteqarsimanini pissutigalugu, tigummigallalerneqarnissaa siunertaralugu eqqartuussivimmut marlunngornermi kingusinnerusukkut sassartinneqassaaq.
