Nunatta Qeqqani provsti Maannguaq Dalager 2021-miit 2025-mut Danmarkimi kalaallinut palasiuvoq, tassani Københavnimi Vestre Kirkegårdimi kalaallit immikkoortortaqarfianni ilisinermi palasiusarluni.
– Kalaallit Danmarkimi najugallit ilarpassui ilaquttaminnut qanittumi iliveqarfimminni ilineqartarput. Allalli Københavnimi iliveqarfimmut tusaamaneqartumut, kalaallip siulliup 1948-mi ilisaaffigisaanut, ilineqarusuttarput, Maannguaq Dalager Sermitsiamut oqarpoq.
- Sooq ilaasa iliveqarfik manna ilisaaffigerusuttarpaat?
- Kalaallit Nunaata Danmarkimi ilaminiininnguani ilisineq toqusumut ilaqutaanullu pingaaruteqartoq isumaqarpunga.
Maannguaq Dalager sapaatiuppat iliveqarfimmut, pisarialimmik 1,3 million koruuninillu akeqartumik iluarsaanneqarsimasumut, utissaaq. Aningaasat A.P. Møllerip aningaasaateqarfianit aamma naalagaaffiup karsianit pissarsiarineqarput. Folketingimut ilaasortap Aaja Chemnitzip danskit 2022-mut aningaasanut inatsisaanni aningaasaliissuteqarnissaq isumaqatigiinniutigisimavaa. Aningaasat qallunaat oqaluffiini kalaallisut tussiuteqalernissamut Vestre Kirkegårdimilu kalaallit iliveqarfiata nutarterneqarneranut atorneqarsimapput.
Iliveqarfik Qeqqata provstimit aqunneqarpoq, taannalu ingerlatsinermut aserfallatsaaliuinermullu Københavns Kommunemut akiliisarpoq.
Eqqaaniaaffik itisuumillu eqqarsarfik
Kalaallinut iliveqarfik marlunnut avissimavoq: Iliveqarfitoqaq 1952-imeersoq eqqumiitsuliortup Jan Buhlip ujaqqanik eqqaassutissaliaanik pilik. Iliveqarfittaaq 1970-ikkunneersoq qiperukkamik „Qanilaarneq“-mik, eqqumiitsuliortup Bolatta Silis-Høeghip 2018-imi kommuninit sisamanit tamaneersunit ujaqqanik sanaavanik pilik.
Nunaminertanik ilusilersuisartoq Lone van Deurs iliveqarfittaami kusassaanermut annertuumut siuttuusimavoq. Taassuma Kalaallit Nunaanni iliveqarfiit ukiorpassuarni isumagisarisimavai; suliaq tamanna 2011-mi atuakkami »Vi går gerne langt for vore døde – Kirkegårde og landskaber i Grønland«-imi oqaluttuaraa.
David Petersenip, Gadstrupimi naatsiivilerisup, suliassat isumagisarlugillu suli maannamut aserfallatsaaliuisuuvoq.
– Kalaallit iliveqarfiini pisarneq malillugu iliveqarfik nutaaq pisoqqamut atassuserniarlugu isaaffiliorpugut, Lone van Deurs Sermitsiamut oqarpoq.
Peter Klint isaaffimmik sanasuuvoq, taannalu naatsiivissanik titartaasartup Morten Klintip, 1952-imi iliveqarfitoqqap sanaartornissaanut pilersaarusiorsimasup, erneraa. Kusassaanermi atortut aningaasaliisullu pillugit allagartaq messingiusoq isaaffimmut ikkunneqassaaq.
Aatsitassarsioqatigiiffik Lumina, Kangerlussuup eqqaani anorthositimik piiaasoq, umiarsuaatileqatigiiffillu Royal Arctic Line ujaqqanik qaqortunik tonserpassuarnik assigiinngitsunik angissuseqartunik iluseqartunillu iliveqarfittaap ungalulernissaanut tunissuteqarput.
- Ujaqqanik ungalulersuinikkut iliveqarfik eqqaaniaanissamut itisuumillu eqqarsarnissamut naleqquttutut isikkoqalerpoq, Lone van Deurs oqarpoq.
Naasuleriffimmi Vegtech-imi Dragørimiittumi naasut assigiinngitsut, ilaatigut tupaarnat, kakillallit høgeurtillu, Danmarkimi ukiukkut uumasinnaasut, septembarimi ujaqqat anorthositiusut akornanni ikkussorneqarput.
– Naasunik ikkussuineq ileqqutoqqamut nuannersumut aallarniutaasinnaavoq, tassa Kalaallit Nunaannit Danmarkimut angalasut naasussanik kaasarfimminniititaminnik iliveqarfimmi naatinneqarsinnaasunik nassarsinnaapput, Lone van Deurs neriuppoq.
Kalaallit danskillu amerlasuut Nunatsinnut attuumassuteqartut iliveqarfimmut tassunga ilineqarnikuupput. Kalaallit iliveqarfianni ilineqarnissamik kissaateqarneq Nuummi Qeqqata provstianut nassiunneqassaaq.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
