Nanortallip eqqaani nuna marlunngornermi ualikkut ikuallappoq.
Nunap pujuliorujussuarnera assini inuit attaveqatigiittarfiini siammarterneqartuni takuneqarsinnaavoq.
Ikuallattoqartoq nalunaaqutaq sisamat qaangilaaraa nalunaarutigineqarsimasoq politiiniit Jørgen Madsen Sermitsiamut oqarpoq.
Qatserisartut ikuallattumik qamisitsinialeruttorput, illoqarfimmullu siaruaannissaa aarlerinanngitsoq nalilerneqarluni.
