Angut Nuup eqqaani ajunaarsimasoq marlunngormat nassaarineqarpoq.
Politiini piareersimasut pisortaata Karsten Højrup Kristensenip angut 49-nik ukiuliusoq uppernarsarpaa. Angut sapaatip-akunnerata siuliani aalisariarluni aallarpoq, ataasinngormallu utertussaasimagaluarluni.
Angut tikinngimmat qanigisaasa periarfeerunneqartutut nalunaarutigaat.
Angutip ikinngutaata sumiiffigisimasinnaaneranik ilisimasaqartup marlunngormat nassaaraa, Nuup avannaata tungaani qeqertap eqqaani.
Angut gummibådimi qanitaani nassaarineqarpoq, ipillunilu ajunaarsimanissaa politiinit ilimagineqarpoq.
Angut marlunngormat sumiissusersineqarmat politiit angallataat tassungartinneqarpoq, 49-nillu ukiulik qaqinneqarluni napparsimmaviliaanneqarpoq.
Timaa misissorneqareerpoq, pinerluttoqarsimasinnaaneranillu takussutissaqanngitsoq piareersimasut pisortaat oqarpoq.
Qanigisaasut kalerrinneqareerput.
