Siumumi politikerip Lars Poulsenip Naalakkersuisut ataatsimut nuna tamakkerlugu ataatsimoornissamik aammalu Kalaallit Nunaata tatisimaneqarnerani najummatsisimanissamik oqariartuuteqareersut Nivi Olsenip atorfimminut atatillugu ukiuunerani OL-imut angalanera apeqquserpaa.
Nivi Olsenip paragraf 37 naapertorlugu apeqqummut akissutimini takisuumi Italiamut angalanini pillugu piffissami eqqissisimanngitsumi allanngortoqarfiusumilu timersornerup pingaartumik aallaavissaqartikkaatigut nassuiaatigaa.
Piffissaq pisariaqavissut
- Eqqaamajuaannassavarput namminerisatsinni unammilligassavut aammalu nunarsuarmi tamarmi ajornartorsiutit annertuut, timersorneq pisariaqavissumik piffissaqartitsivoq, tassani najuussinnaavugut, nuannaarsinnaavugut aammalu ataatsimoorsinnaavugut, isumaqarpoq taannalu innersuussutigalugu nipilersorneq aamma inuit assigiinngissutsitik akimorlugit katersorsinnaammagit, aammalu pisoorsuit ataatsimoorfiusinnaasut ullormiit ullormut sammisaqartitsisinnaasut”.
- Atuartartut anguniagaqarniarnerat tunniusimanerallu kajumissaataapput aammalu eqqaamassutigaagut namminerisatsinni anguniakkavut malinnaaffigisariaqarlugit. Taamaattumik pingaaruteqarpoq, atuartartutta nunarsuarmi pisoqartitsinerni soorlu ol-imi tapersersorneqarnissaat - aamma pisortatigoortumik, naqissusiivoq nivi olsen.
Nuannaarnissamut pisariaqartoq
- Piffissami eqqissisimanngitsumi allanngortoqarfiusumilu timersornerup pingaartumik aallavissaqartippaatigut. Naak uagut nammineq unammilligassagut nunarsuatsinnili ajornartoorfiit arajutsinaveersaartussaagalaurigut, peqataanissatsinnut, nuannaarnissatsinnut ataatsimoornittalu misigineqarnissaanut timersornerup periarfissippaatigut, isumaqarpoq assigiinngissutsillu akimorlugit timersornerup nipilersornertulli inuit ataatsimoortissinnaagai, pisullu annertuut ataatsimoorluta ulluinnarni ukkassisinnaalersittaraatigut oqaatigaa.
- Timersortartut angusaqarusullutik iliuuseqarnerisatunniusimanerisalu isumassittarpaatigut eqqaasittarlutalu nammineq angujumasat angulertorneqarnissaannik ilungersornerup pingaaruteqarneranik. Taamaattumik timersortartutta nunat assigiinngitsut akornganni pisoqartillugu soorlu OL-imi tapersersorneqarnermik misigisaqarnissaat pingaarluinnarpoq - aamma pisortat tungaanniit, Nivi Olsen naqissusiivoq.
Nammineq erfalasorput
"Nammineq erfalasutta ataani nunat assigiinngitsut akornganni timersuutinik unammiuaarnermi peqataasinnaanermik ungasinnerusumut kissaateqarneq ingerlaqqittoq, tamannalu siunissami tigussaasumik anguneqarnissaa naatsorsuutigineqartoq" Timersornermut Naalakkersuisoq nangilluni tunngavilersuivoq.
- Kinaassutsitta nunatsinnilu ilisarnaatitta nunat assigiinngitsut akonganni timersornerni takutinnissaat sinniisutullu peqataasinnaaneq nunatsinni inuiaqatigiinnut pingaaruteqartorujussuusoq erseqqissarneqarpoq.
Angalaneq akeqarpoq, tassami Nivi Olsenimut atorfilimmut ataatsimut aningaasartuutit ilanngullugit 125.000 koruuninik naleqarpoq. Taassuma Nunatta erfalasua nassarpaa, "takussaasumillu peqataanikkut nunat assigiinngitsut akornganni nunatta inissinnissaa nukittorsarneqartoq" taanna nassuiaavoq.
Ataatsimiinnerit arlallit
Ukiuunerani OL-ertoqarnerani Danmarkimi kulturimut ministerimik, Dansk Idrætsforbundimik, Elita Sport Greenlandimik aamma Kalaallit Nunaanni Timersoqatigiit Kattuffianni ataatsimeeqatigiinnerit aaqqissuunneqarnikuusut Nivi Olsen nassuiaavoq.
- Taakku saniatigut tusagassiorfinnut assigiinngitsunut nunatta inissisimaneranut soqutiginninnermut tunngatillugu tusagassiuutinit assigiinngitsunit apersuisoqarpoq, Nivi Olsen ilisimatitsivoq, taassumattaarlu maannakkut sulia pillugit Danmarkimi ilinniartitaanermut ministeri aamma ataasimeeqatigisimallugu erseqqissaatigaa.
Erik Jensen isornartorsiorneqartoq
Politikerit, ingammik Naalakkersuisut, timersornermut atatillugu angalasarnerat siullermeerluni oqallisigineqanngilaq.
2024-mi arnat assammik arsarlutik nunanut allanut unammisartui Norgemi VM-ertoqarnerani peqataammata, taamani Akileraartarnermut Aningaasaqarnermullu Naalakkersuisoq Erik Jensen, Siumut, illuatungiliuttunit Demokraatit siulittaasuannit Jens-Frederik Nielsenimit aamma Naleqqami siulittaasumit Pele Brobergimit sakkortuumik isornartorsiorneqarpoq.
Sooq aningaasaqarnermut akileraartarnermullu naalakkersuisoq Stavangerimi assammik arsartarfimmi, kalaallit arnat piumassuseqarlutik ingerlaarneranni nunarsuaq tamakkerlugu alutorineqartumi, akileraarutitigut akilerneqarsimasumik misigisaqartariaqarnersoq politikerit illuatungiliuttut taakkua marluk paasisinnaanngilaat.
Nivi Olsen Naalakkersuisuni politikkerituaalluni ukioq manna Italiamut ukiuunerani OL-ertoqarnerani angalavoq. Timersuutit sorliit isiginnaarsimanerai ilisimatitsissutigineqanngilaq. Kalaallit sisoraaserlutik ooqattaasartartut Sondre aamma Ukaleq Slettemark Cortinami OL-ertoqarnerani angusarissaarput, qatanngutigiillu taakkua nunaminnit tapersersorneqarnertik qujamasuutigalugu oqaatigaat.
