Kalaallit Nunaanni Politiit ullup ataatsip ingerlanerani arlalinnik suliaqarput, ilaatigut Avannaani nunaqarfimmi pinngitsaaliisoqarsimaneranik nalunaarummik tigusaqarlutik.
Pigaartut pisortaat Aputsiaq Hansen oqarpoq.
Taassuma suliaq itisiliiffigerusunngilaa, inersimasulli pineqartut oqaatigalugu.
- Politiit nunaqarfimmukartippagut, taakkualu suliaq misissuiffigaat, Aputsiaq Hansen oqarpoq.
Pinngitsaaliisoqarsimanera pillugu nalunaaruteqartoqarnerata saniatigut politiit angerlarsimaffinni tillinniarnerit, angerlarsimaffimmi eqqissiviilliornerit, imminut toqunnissamik sioorasaarinerit aamma kannguttaatsulioarnissamik sioorasaarinerit suliaasa ilagigaat pigaartut pisortaat oqarpoq.
